Тулгар төрийн 2224, Их Монгол Улсын 809, Ардын хувьсгалын 94 жилийн ой, Үндэсний их баяр наадам сайхан болж, өндөрлөлөө.

Нар хур тэгширсэн Монгол наадмынхаа хөтөлбөрийг эх орондоо байгаа болон дэлхийн өнцөг булан бүрт амьдран суугаа Монгол түмэндээ шуурхай хүргэхээр "GoGo news" агентлагийн хамт олон хичээн ажиллалаа.

Ингээд та бүхэндээ Үндэсний их баяр наадмын эрийн гурван наадмын ТОЙМ-ыг хүргэж байна.

ХҮЧИТ БӨХИЙН БАРИЛДААН

Энэ жилийн Үндэсний их баяр наадамд 512 бөх зодоглосноос НАЧИН цолтон 6, ХАРЦАГА цолтон 2, АРСЛАН цолтон 1 төрлөө.

Шинээр төрсөн НАЧИН цолтнууд:

• Сүхбаатар аймгийн харьяат, Аймгийн арслан Бо.Батжаргал
• Завхан аймгийн Баянхайрхан сумын харьяат аймгийн арслан Г.Баасандорж
• Дундговь аймгийн Эрдэнэдалай сумын уугуул, аймгийн арслан Э.Даш
• Увс аймгийн Түргэн сумын харьяат аймгийн арслан Д.Энхбаяр
• Архангай аймгийн Батцэнгэл сумын харьяат аймгийн арслан Б.Ганзориг
• Дундговь аймгийн хурц арслан А.Алтанхуяг
  
  

Шинээр төрсөн ХАРЦАГА цолтнууд

• Ховд аймгийн уугуул, Улсын начин Н.Батзаяа
• Сэлэнгэ аймгийн харьяат аймгийн арслан Б.Одгэрэл
  
  

Шинээр төрсөн АРСЛАН цолтон

• Хэнтий аймгийн Өмнөдэлгэр сумын харьяат Э.Оюунболд
  
  

Та бүхэн 2012-2015 оны Үндэсний их баяр наадмын хүчит бөхийн барилдааны тоймыг ЭНД дарж үзнэ үү.

ХУРДАН МОРЬДЫН УРАЛДААН

Үндэсний их баяр наадмын хурдан морины уралдаанд

• Даага 161,
• Соёолон 196,
• Их нас 321,
• Азарга 172,
• Шүдлэн 91,
• Хязаалан 264 нийт 1205 алтан туурт төрийн их баяр наадамд тоосоо өргөлөө.

Ингээд дараах хурдан хүлгүүд уясан эзэн, унасан хүүхдээ баярлуулан торгон жолоогоо өргүүллээ.

Зургаан насанд уясан эзэн, унасан хүүхдээ баярлуулж, айргийн тавд хурдалсан аргамаг хүлгүүдийн мэдээлэл, гэрэл зургуудыг “Хурдан морины тойм 2015”-аас дэлгэрэнгүйгээр хүлээн авна уу.

Мөн та 2012-2014 оны хурдан морины уралдааны тоймыг дээрх мэдээллээс авах боломжтой.

СУР ХАРВАА

Халх сурын харваанд эрэгтэйчүүдийн төрөлд 250, эмэгтэйчүүдийн төрөлд 90 гаруй харваач оролцож нийт 340 гаруй харваач цэц, мэргэнээ үзсэнээс эрэгтэй болон эмэгтэй төрөлд нэг гэр бүлийн хоёр түрүүлжээ.
 
Сэлэнгэ аймгийн Ерөө сумын харьяат, Зэвсэгт хүчний Алдар спорт хороо, ЖЕМ интернэшнл компанийн харваач, Монгол Улсын спортын мастер Б.Батбаатар эрэгтэйчүүдийн төрөлд 32 оноогоор тэргүүлж, Монгол Улсын мэргэн болов.
 
Харин эмэгтэйчүүдийн төрөлд түүний гэргий Монгол Улсын мэргэн С.Эрдэнэтунгалаг 37 оноогоор тэргүүлж, улсын хошой мэргэний болзол хангалаа. Тэрээр мөн л Зэвсэгт хүчний “Алдар” спорт хороо, ЖЕМ интернэшнл компанийн харваач ажээ.

ШАГАЙН ХАРВАА

НЭГДҮГЭЭР БАЙР: Улсын үлэмж дархан мэргэн Б.Түвшинбаяр ахлагчтай Өмнөговь аймгийн баг
ХОЁРДУГААР БАЙР: Улсын үлэмж дархан мэргэн Б.Шинэбаяр ахлагчтай Улаанбаатар хотын Уранган баг
ГУРАВДУГААР БАЙР: Улсын үлэмж дархан мэргэн н.Болд ахлагчтай “УБ Төмөрзам” баг Зохион байгуулагчдын тайлбарласнаар залуу харваачид ихээр орж ирсэн онцлог жил болжээ.

Түүнчлэн тэмцээнд оролцсон нийт харваачдын 53 хувь улс, аймгийн цолтой тамирчид аж.

Та бүхэн Тулгар төрийн 2224, Их Монгол Улсын 809, Ардын хувьсгалын 94 жилийн ой, Үндэсний их баяр наадамтай холбоотой бүхий л мэдээллийг МОНГОЛ НААДАМ булангаас хүлээн авна уу.