Урд шөнө цагдаа нар 24.00 цагийн үед хуурай өлсгөлөн зарласан “Ноён уулаа аваръя” хөдөлгөөний гишүүдийг эмнэлэгт хүргэжээ. Тэд Төрийн ордны баруун талд, Хэлмэгдэгсдийн хөшөөний урд сүүлийн 13 хоногийн турш нойтон өлсгөлөн зарласан юм.

Сентерра Гоулд компанийн лицензийг нь эзэмшдэг Ноён уулын орчимд алтны олборлолт явуулахыг эсэргүүцэн, холбогдох албаныханд хандсан ч үр дүнд хүрээгүй тул өлсгөлөн зарлаж байгаагаа мэдэгдэж байв.       

Цагдаа нар иргэдийг авч явсны дараа тухайн орчимд 20 орчим хүн байжээ. Тэднийг аль эмнэлэг рүү авч явсан нь тодорхойгүй байна.