Белоруссын “Чартер-97” мэдээллийн сайтын эрхлэгч, сэтгүүлч Наталя Радина өөрийг нь хавчиж, улмаар өөр улс руу дүрвэхэд хүргэсэн гэж Ерөнхийлөгч Александр Лукашенког буруутгажээ. Тэрбээр одоо Литви улсад ажиллаж, амьдарч байгаа аж.

Наталя Радинагийн ярьснаар өнгөрсөн онд болсон Белоруссын сонгуулийн дүнг эсэргүүцсэн иргэдийн жагсаал болоход Ерөнхийлөгч тэднийг тараахад хүч хэрэглэхийг үүрэг болгожээ. Хамгийн чухал нь А.Лукашенко олон жил төрийн эрхэнд байхдаа хамтран зүтгэгчдээ өөрийн сонирхлоор сонгодог байсан төдийгүй эдгээр нь сонгуулийн дүнг луйвардахад нөлөөлсөн аж.

Наталя Радинагийн үзэж буйгаар өнөөгийн Ерөнхийлөгч коммунист бодлого хэрэгжүүлсэн хэвээр байгаа. Гэвч тэрбээр Белорусст эрх чөлөө дахин ирнэ хэмээн найдаж буйгаа илэрхийлжээ. Тус улсын ардчилсан үзэлтнүүд удахгүй жагсаал зохион байгуулахаар зэхэж байгааг Наталя Радина онцолжээ.

Д.Түвшинтөр http://www.niigmiintoli.mn/