Дэлхийд ганц үлдээд байсан үлэмж биетэй заан яст мэлхий Эквадорын Галапагосын үндэсний цэцэрлэгт хүрээлэнд үхжээ. Мэлхийн нэрийг Жорж гэдэг байсан бөгөөд эрдэмтдийн тооцоолж буйгаар ганцаардмал хочит энэ мэлхий 100 орчим настай байсан гэнэ.

Эрдэмтэд Галапагоссын арлын бэлэг тэмдэг  нь болсон энэ мэлхийнд задлан шинжилгээ хийж, үхлийн шалтгааныг нь тодруулах ажээ.

Сүүлийн хэдэн жилүүдэд амьтан судлаачид Жоржоос үр төл гаргахыг оролдсон боловч амжилтгүй болж байсан гэнэ. Галапагоссын үндэсний цэцэрлэгт хүрээлэнгийн ажилтнуудын мэдээлж буйгаар Жорж мэлхий үхсэнээр яст мэлхийний энэ төрөл устаж үгүй болж байгаа аж.

Жил бүр Жоржийг үзэхээр Галапагосст 180 мянган жуулчин ирдэг байжээ. Тус хүрээлэнгийн ажилтны мэдээлснээр түүхэнд хадгалан үлдээхийн тулд мэлхийн биеийг занданшуулах гэнэ.

Ганцаардмал Жоржийг 1972 онд Галапагоссын арлуудын Пинта арлаас нэгэн Унгарын эрдэмтэн олж байжээ. Үүнээс өмнө амьтан судлаачид “Chelonoidis nigra abingdoni” хэмээх энэ төрөл устсан гэж үзэж байв.

Одоогоор Галапагоссын арлуудад өөр төрлийн 20 мянган үлэмж биет яст мэлхийнүүд идээшиж байдаг аж.

Б.Соёлмаа