Албан тушаалтнуудын 2008 оны хөрөнгө орлогын мэдүүлгээ өгөх хугацаа энэ оны хоёрдугаар сарын 15-нд дууссан. Гэтэл Ашигт малтмал болон Газрын тосны газрын 22 албан тушаалтан (хуучнаар Ашигт малтмал газрын тосны хэрэг эрхлэх газар) хөрөнгө орлогын мэдүүлгээ Авлигатай тэмцэх газарт гаргаж өгөөгүй байна. Тэдэнд эрүүгийн хэрэг үүсгэх болоод байгаа аж. Түүнчлэн Ашигт малтмалын газрын зарим ажилтныг албан тушаалаа урвуулан ашигласан хэргээр шалгах болжээ.

Төрийн албаны зөвлөл болон АТГ-ын удирдлагууд энэ сарын 1-нд уулзалдсан. Уулзалтын үеэр албан тушаалын төлөө хамгийн их өрсөлддөг газруудыг нэрлэсэн байна. Удирдах албан тушаалын төлөө багаар бодоход 20 гаруй хүн өрсөлддөг учраас Иргэний нисэхийн ерөнхий газар, Ашигт малтмалын газар, Газрын тосны газар гэсэн гурван салбар тодроод байгаа аж.

Мөн төрийн албыг шударга, ёс зүйтэй байлгахын тулд хамтран ажиллах шаардлагатай байгааг тус газруудын удирдлагууд зөвлөлджээ.

А.Ням