Урин дулааны улирал болж нийслэлийн иргэд зусландаа гарч байгаатай холбогдуулан зуслангийн чиглэлийн замын хөдөлгөөн ажлын өдрүүдийн оройн цаг, амралтын өдрүүдэд ачаалал ихтэй болж байгаа.

Тиймээс нийслэлийн Тээврийн газраас зуслангийн 10 чиглэлд их багтаамжийн болон микроавтобусуудыг явуулахаар зохицуулалт хийжээ.

Их багтаамжийн автобусууд “7 буудал”-аас Жигжид, Гоодой, Баянбулаг зуслангийн чиглэлд 60-90 минутын давтамжтайгаар том хүнд 500, хүүхэд 200 төгрөгөөр үйлчилж байгаа юм байна.

Харин 7 буудлаас Өвөр Гүнт, Майхантолгой, Яргайтын богино, Яргайт, Хуурай мухарын чиглэлд 30-120 минутын давтамжтайгаар микроавтобус том хүн 600, хүүхэдэд 200 төгрөгөөр үйлчлэх аж.

Автобусууд ажлын өдөр 07:00-22:00 цагт, амралтын өдөр 08:00-22:00 цагийн хооронд иргэдэд үйлчилнэ.

А.Сүрэн