Боксын шигшээ багийн тамирчид өнөөдөр Казахс­таны Астана хотыг зорино. Тэдний хувьд Тайландад болсон олимпийн эрх олгох тэмцээнээс ганзага хоосон ирсэн билээ.

Харин одоо “Бээжин-2008”-ын рингнээ гарах эсэхээ шийдэх сүүлийн боломж ирэв. Энэ сарын 16-24-ны өдрүүдэд үргэлжлэх тус тэмцээнд түрүүлбэл олимпийн наадамд “нударга зөрүүлэх” юм. Харин тааруухан тулалдвал гавьяат тамирчин Э.Бадар-Ууганаас өөр боксчин Бээжингийн рин­гэнд гарахгүй байх магад­лалтай.

Энэ удаагийн тэмцээнд Бүх ард түмний их наадмаас шалгарсан долоон тамирчин, хоёр багш, шүүгч, албаны хүмүүс гээд 12 хүний бүрэл­дэхүүнтэй баг оролцох бол­жээ. Түүнчлэн тус тэмцээн эхлэхээс өмнө манай бокс­чид Казахстаны тамирчидтай хамтарсан бэлтгэл хийх юм байна.

Астанад оролцох боксчид:
48 кг П.Сэрдамба
51 кг Л.Зоригтбаатар
57 кг З.Энхзориг
60 кг Д.Отгондалай
64 кг У.Мөнх-Эрдэнэ
69 кг Б.Түвшинбат
75 кг М.Нандин-Эрдэнэ нар юм.

Б.Бадмаа