Америк Улс 150 жилийн түүхэндээ анх удаа цусны нөөцийн хомсдолд оржээ. Цусны нөөц хомсдож, хамгийн доод хэмжээнд хүрсэн талаар АНУ-ын Улаан Загалмай Нийгэмлэг мэдээлэв.

Өнгөрсөн сард цусны нөөцийн түвшин 25 хувиар буурчээ. Зуны улирал эмнэлэгт цусны хангамж, хандив ихээхэн хэрэгтэй болдог ч энэ үед цусны хангамжийн хямрал тохиогоод байна.

АНУ-ын Улаан Загалмайн эмч Кортни Лаврэнс “Хомсдол ой хээрийн гал түймэр, халуун цаг агаараас шалтгаалж байна. Зуны улирал хүмүүс гадуур цагаа өнгөрөөх нь ихэсдэг. Ийм үед осол гэмтэл дагаад нэмэгдэхийн хэрээр цусны доноруудын хэрэгцээ шаардлага өсдөг.

Хомсдол ой хээрийн гал түймэр, халуун цаг агаараас шалтгаалж байна.

Бүх төрлийн цусны нөөц хэрэгтэй байна. Ялангуяа нэгдүгээр бүлгийн цус илүү шаардлагатай. Нэгдүгээр бүлгийн цус нь бусад бүлэгтэй тохирох нь элбэг байдаг. Цусны бүлгийг нь тогтоох боломжгүй яаралтай тусламжийн үед нэгдүгээр бүлгийн цусыг ашигладаг” гэлээ.

Улаан Загалмай нь АНУ-ын хамгийн их цусны нөөцийг бүрдүүлдэг нийгэмлэг юм. Тэд одоогийн байдлаар АНУ-ын цусны нөөцийн 40 хувийг нийлүүлж, 3500 гаруй эмнэлэг, эрүүл мэндийн төвүүдэд цус хандивлажээ.

Хандивласан цусыг удаан хугацаанд хадгалах боломжгүй. Хүмүүсийн хандивласан цусыг 42 хоногийн дотор хэрэглэх ёстой байдаг. Үүний дараа цусны эсүүд задарч, ашиглах боломжгүй болдог байна. 

Эх сурвалж: BBC