УИХ-ын чуулганы өнөөдрийн үдээс хойших нэгдсэн хуралдаанаар УИХ-ын гишүүн Ж.Чинбүрэн нарын дөрвөн гишүүний 2025 оны 3-р сарын 31-ний өдөр өргөн мэдүүлсэнЦусны донорын тухай хуулийн төсөл болон хамт өргөн мэдүүлсэн хуулийн төслүүдийн эцсийн  хэлэлцүүлгийг хийж, гишүүд асуулт тавьж, хариулт авч байна.

Энэ хуулийн төслийн ажлын хэсгийн ахлагч, УИХ-ын гишүүн Ж.Баясгалан, УИХ-ын 126 гишүүнээс 22 гишүүн цусны сайн дурын авлагагүй донор байна. Тэдний дундаас УИХ-ын гишүүн Ж.Батжаргал, М.Ганхөлөг, А.Ариунзаяа, У.Отгонбаяр, С.Эрдэнэбат, Г.Хосбаяр, Г.Тэмүүлэн, Л.Соронзонболд нар 10-30 удаа цусаа хандивлаж, хүний амь нас, эрүүл мэндийг хамгаалах энэрэнгүй үйлсэд нэгдэж, доноруудад олгодог “Бахархал 10, 20, 30” тэмдгийн болзол хангасан байна. Энэрэнгүй үйлсийг танхимаасаа эхлүүлсэн гишүүдэд онцгойлон талархал илэрхийлэв.

УИХ-ын дарга С.Бямбацогт, Энэ хуулийн төслийн Ажлын хэсгийг ахалж ажилласан Баясгалан гишүүнд талархал илэрхийлье. Төсөл маргаашийн чуулганаар эцэслэн батлагдах байх.

Баясгалан гишүүн маань хуулиа батлуулаад, удахгүй гадаад руу урт хугацаагаар эмчилгээнд явах гэж байна. Цусаа олон удаа хандивлаж хүмүүнлэг, энэрэнгүй үйлсэд нэгдсэн гишүүддээ талархал илэрхийлье. Би ч гэсэн 6-р сарын 3-нд болох Цусны донорын өдөр цусаа хандивлая гэж бодож байна. Цусны донор болох энэрэнгүй үйлсэд гишүүдийг бүгдээрээ нэгдэхийг уриалж байна гэв.