“Зэрлэг амьтдын шилдэг гэрэл зурагчин” хэмээх нэр хүндтэй шагналыг Намибын Колманскоп хэмээх орхигдсон алмаазны уурхайн тосгонд нэгэн цөөвөр чонын зургийг авсан гэрэл зурагчин Вим ван ден Хивер (Wim van den Heever) хүртжээ.

Тэрбээр цөөвөр чонын шинэхэн мөр олж харсныхаа дараа камераа суурилуулсан бөгөөд уг төгс агшныг буулгахын тулд сүүлийн арав гаруй жил хүлээсэн гэжээ.

Бор цөөвөр чоно нь цөөвөр чонын хамгийн ховор төрөл бөгөөд шөнийн амьдралтай, ганцаараа амьдрах дуртай амьтан юм. Тэрбээр "Тэд энд байдаг гэдгийг би мэдэж байсан ч, ядаж нэгнийх нь зураг авна гэдэг бол бараг боломжгүй зүйл гэж бодож байлаа” хэмээн ярьжээ.

Шагналыг нь Лондонгийн Байгалийн түүхийн музейд гардуулсан бөгөөд уралдааны бүтээлийн үзэсгэлэнг 10-р сарын 17-нд дэлгэжээ.

Бусад ангилалд ялагч болсон гэрэл зургууд:

Ангилал: Залуучуудын Гран при (15–17 нас)

Нэр: Сүйрлийн дараа
Гэрэл зурагчин: Андреа Доминизи (Итали)
Байршил:  Лепини уулс, Лацио, Итали

Хуучин мод огтолж байсан газарт тэрээр нэгэн жоомыг тайван хэвтэж буйг олж харжээ. “Энэ зураг олон амьтны тулгамдсан асуудал болох амьдрах орчны алдагдлыг илэрхийлж байгаа” гэж тэр тайлбарлажээ.

---

Ангилал: Амьтдын байгаль дахь амьдрал
Нэр: Уснаас гарч ирэх могой мэт
Гэрэл зурагчин: Шейн Гросс (Канад)
Байршил: Даррос арал, Сейшелийн арлууд

Хэдэн долоо хоногийн турш тэвчээртэй хүлээсний эцэст тэрээр могой загаснууд сэг зэмээр хооллодог мөчийг баримтжуулжээ.

Ангилал: 10 нас ба түүнээс доош
Нэр: Нэхмэл үүр
Гэрэл зурагчин: Жэйми Смарт (Их Британи)
Байршил: Уэльсийн төв хэсэг

Өвлийн сэрүүн өглөө, нэхсэн торондоо нуугдсан бөөрөнхий аалз олжээ. “Хүмүүсийн айдаг амьтныг өөр өнцгөөс харуулах боломж олдсон нь онцгой байсан” гэж гэрэл зурагчин хэлжээ.

---

Ангилал: Намгархаг газар

Нэр: Алга болж буй нуур
Гэрэл зурагчин: Себастиан Фрёлих (Герман)
Байршил: Плацерталь, Тирол, Австри

Тэрээр Австрийн Плацерталь намгархаг газарт очиж, уг газрын нүүрстөрөгч хадгалах чухал үүргийг тодотгосон байна. Австри нийт намгархаг газрынхаа 90 хувийг алдсан аж.

---

Ангилал: 11–14 нас
Нэр: “Альпийн нуруунд үүр цайхад”
Гэрэл зурагчин: Любин Годин (Франц)
Байршил: Кол де ла Коломбиер, Франц

Өглөө ууланд авирахдаа тэр манан дунд амарч буй Альпийн янгир олж харжээ.

---

Ангилал: Усан дор
Нэр: Амьд гарах уут
Гэрэл зурагчин: Ралф Пэйс (АНУ)
Байршил: Монтерей булан, Калифорни, АНУ

Хүчтэй урсгал дунд гэрэлтэх мэт аварга махчин загасны өндгийг тэр гэрэл зурагт буулгаж, доторх үр хөврөлийг тод харуулжээ. Монтерей булангийн далайн замагны ой 34 жилийн дотор 95 хувиар буурсан байна.

---

Ангилал: Амьтдын хөрөг
Нэр: “Сүүдрийн ангууч”
Гэрэл зурагчин: Филип Эггер (Итали)
Байршил: Өмнөд Тирол, Итали

Тэр шар шувууны үүрийг дөрвөн жилийн турш ажиглаж, төгс агшныг хүлээжээ.

---

Ангилал: Шувуудын зан төлөв

Гарчиг: Ур яруу ан
Гэрэл зурагчин: Чинрон Ян (Хятад)
Байршил: Юньдан нуур, Фүжиань, Хятад

Бяцхан цэгээн шувуу хоол олох мөчид онилсон загас нь мөн ан хийж байхыг тэр буулгажээ.

---

Ангилал: Хөхтөн амьтдын зан төлөв

Нэр: Олз
Гэрэл зурагчин: Деннис Стогсдилл (АНУ)
Байршил: Ндуту нуур, Сэрэнгети, Танзани

Каракал зэрлэг муур ан хийж фламинго барьсан ховор агшинг баримтжуулжээ.

---

Ангилал: Фото сэтгүүл зүй

Нэр: Амьтдын төрөл зүйлийг хэрхэн аврах вэ
Гэрэл зурагчин: Жон А. Хуарес (Испани)
Байршил: Ол Пежета, Кениа

Нэн ховор цагаан хирсний үр шилжүүлэн суулгах түүхэн үйл явцыг тэр баримтжуулсан байна. Хэдийгээр үр хөврөл халдвараас болж амьдарч чадаагүй ч уг туршилт нь уг зүйл амьтныг аврах том алхам болсон юм.

---

Ангилал: Хоёр нутагтан ба мөлхөгчдийн зан төлөв
Нэр: Хөгжилдөж буй мэлхийнүүд
Гэрэл зурагчин: Квентин Мартинез (Франц Гвиана)

Борооны дараа ойд мэлхийн сүрэг үржиж буй мөчийг гэрэл зурагт буулгажээ.

---

Ангилал: Фото сэтгүүл зүйн цуврал

Нэр: "Могойн чуулган”
Гэрэл зурагчин: Хавьер Азнар Гонсалес де Руэда (Испани)
Байршил: АНУ

Тэрбээр хүмүүсийн могойноос айх айдас ба хүндэтгэлийн эсрэгцсэн хандлагыг уг зургаар илэрхийлжээ.

---

Ангилал: Сээр нуруугүй амьтдын зан төлөв

Нэр: “Малгай өмссөн авгалдай”
Гэрэл зурагчин: Жоржина Стейтлер (Австрали)
Байршил: Торндирруп үндэсний парк, Австрали

Навчны авгалдай толгой хуучин гуужсэн бүрхүүлээ давхарлан “малгай” үүсгэдэг сонирхолтой үзэгдлийг харуулжээ.

---

Ангилал: Далайн экологи
Нэр: “Найр”
Гэрэл зурагчин: Аудун Рикардсен (Норвеги)
Байршил: Сканжөви, Норвеги

Тэрээр шөнийн цагаар загас агнаж буй тэнгисийн шувуудыг буулгаж, далай ба хүнсний үйлдвэрлэлийн зөрчлийг тодотгожээ.

---

Ангилал: Ургамал ба мөөг
Нэр: "Үхлийн соронз”
Гэрэл зурагчин: Чиен Ли (Малайз)
Байршил: Саравак, Борнео, Малайз

Зарим махчин ургамал хэт ягаан туяаг ашиглан шавь нарыг татаж урхиддаг болохыг гэрэл зурагт буулгажээ.

---

Ангилал: Шинэ од
Нэр: "Сэрэмжтэй агшин”
Гэрэл зурагчин: Лука Лоренц (Герман)

Тэрбээр нууран дээр хунгийн зургийг авч байхдаа гэнэт санамсаргүй орж ирсэн капибараг буулгажээ.

---

Ангилал: Байгалийн урлаг
Нэр:  “Гэрлээр бүчүүлсэн нь"
Гэрэл зурагчин: Симон Баумейстер (Герман)

Тэрбээр гүүрэн дээр аалзны сүүдрийг хотын гэрлээр хүрээлүүлж, линзний нэг элементийг буруу суурилуулснаар санамсаргүйгээр солонгорсон эффект үүсгэжээ.

---

Ангилал: 2025 оны нөлөө бүхий зураг
Нэр: "Замд таарсан өнчин”
Гэрэл зурагчин: Фернандо Фасиоле (Бразил)

Тэрбээр  автомашины ослоор эхээ алдсан бяцхан төл  амьтан сэргээн тэжээх төвд асрагчийнхаа араас дагаж буй мөчийг буулгажээ.

---

Ангилал: Портфолио шагнал
Нэр: “Хойд нутгийн дүр зураг”
Гэрэл зурагчин: Алексей Харитонов (Израиль/Орос)

Дроноор тайга ба тундрын  улирлын шилжилтийг харуулсан гайхамшигт цувралыг тэр бүтээжээ.

Эх сурвалж: BBC