Засгийн газрын 2024–2028 оны үйл ажиллагааны хөтөлбөрийн явц, Монгол Улсын 2025 оны хөгжлийн төлөвлөгөөний гүйцэтгэлийн тайланг Улсын Их Хурал хэлэлцлээ.

Хяналт-шинжилгээний дүнгээр Засгийн газрын үйл ажиллагааны хөтөлбөрийн бодлогын 13 үр дүнгийн шалгуур үзүүлэлтийн хэрэгжилт 55.5 хувь, 575 зорилтын хэрэгжилт дунджаар 66.4 хувь, 1213 арга хэмжээний хэрэгжилт 67.9 хувьтай байна.

Монгол Улсын хөгжлийн 2025 оны төлөвлөгөөний гүйцэтгэлийн хувьд дөрвөн тэргүүлэх чиглэлийн зургаан үр дүнгийн дундаж 48.5 хувь, нийт 326 төсөл, арга хэмжээний хэрэгжилт дунджаар 61 хувьтай байна.

Үндэсний статистикийн хорооны мэдээллээр эдийн засгийн өсөлт 2026 оны нэгдүгээр сарын байдлаар 8.6 хувь болж нэмэгдсэн байна.

2024 оны хөгжлийн жилийн төлөвлөгөөтэй харьцуулахад зарим үр дүн, гүйцэтгэл өссөн үзүүлэлттэй байгаа бол төсвийн ерөнхийлөн захирагчийн үр дүн 2025 оны төсвийн тухай хуульд өөрчлөлт орж, хэмнэлт тооцсонтой холбоотойгоор буурсан.

Мөн улсын төсөвт тодотгол хийсэн тохиолдолд хөгжлийн жилийн төлөвлөгөө, Засгийн газрын үйл ажиллагааны хөтөлбөр зэрэг бодлого төлөвлөлтийн баримт бичигт уялдуулан өөрчлөлт оруулах зөвлөмжийг хүргүүлсэн талаар танилцууллаа.