Хиймэл оюун ухааныг ашиглан багшийн ажлын ачааллыг бууруулах, суралцахуйг дэмжих “Gemini Academy” хөтөлбөрийг өнөөдөр (2026.08.24) хоёр дахь жилдээ зохион байгууллаа. 

Боловсролын салбарт хиймэл оюун ухааны ур чадварыг эзэмшүүлэх, багш нарын ажлын ачааллыг бууруулах, суралцахуйн үйл явцыг дэмжих зорилготой “Gemini Academy” хөтөлбөрийн хүрээнд оролцогч багш нарт зориулсан дөрвөн төрлийн өртөөчилсөн дадлага сургалт болжээ.

Багш нар хиймэл оюун ухаанд суурилсан хэрэгслүүдийг ашиглан хичээл төлөвлөх, хэрэглэгдэхүүн боловсруулахад суралцжээ.

Сургалтын үеэр багш нар хиймэл оюун ухаанд суурилсан хэрэгслүүдийг ашиглан хичээл төлөвлөх, сургалтын хэрэглэгдэхүүн боловсруулахад хэрэглэдэг гэв. Багш нар хиймэл оюун ухаан хэрэглэснээр өдөр тутмын ажилдаа цаг хугацаа хэмнэх, ажлын бүтээмжийг нэмэгдүүлэх зэрэг ур чадварт суралцана. 

Түүнчлэн Google компанийн санаачилгаар хэрэгжүүлсэн багш солилцооны хөтөлбөрт хамрагдсан Google Educator Groups (GEG)-ийн манлайлагч багш нар өөрсдийн туршлага, хэрэгжүүлсэн сайн арга барилаа  хуваалцлаа.

Боловсролын салбарын цахим шилжилтийг гүнзгийрүүлэх, багш нарын тасралтгүй суралцах боломжийг нэмэгдүүлэх зорилгоор “Google for Education Mongolia” нь Google Classroom платформоор дамжуулан цахим сургалтыг есдүгээр сараас үргэлжлүүлэн зохион байгуулахаар төлөвлөж байна.

Эх сурвалж: Боловсролын яам