“Милко” компанийн Бүтээгдэхүүн хөгжүүлэлт, Технологи удирдлагын хэлтсийн дарга Т.Цэрэнпагам: Сүүг өндөр хэмд тоосруулан хатааж чийгийн агууламж ердөө 5 хувь болон бууруулснаар сүүнд бактер үржих нөхцөлийг бууруулан, удаан хугацаанд хадгалах боломжтой болдог.

Сүүг хэвийн байдлаар удаан хадгалах, тээвэрлэх боломж муутай байдаг нь сүүний бүрэлдэхүүний ихэнх хувийг ус эзэлдэгтэй холбоотой. Төрөл бүрийн малын сүүний бүрэлдэхүүний 76-89%-ийг усны агууламжтай, тэжээллэг орчинд бактери, хөгц, мөөгөнцөр үржих таатай нөхцөл бүрдэж түргэн мууддаг. Иймээс хатаах технологиор усыг ууршуулан авснаар бактери үржих боломжгүй болгож сүүг удаан хугацаанд хадгалах нөхцөл бүрддэг. Манай үйлдвэр тоосруулан хатаах аргыг ашигладаг. Энэ технологи нь халуун уурын орчинд өтгөрүүлэлт хийсэн сүүг өндөр дээрээс бороожуулан цацах замаар сүүнд агуулагдах усны хэмжээг хасах аргыг хэлдэг. Энэ арга нь олон улсдаа хамгийн бүтээмжтэй аргад тооцогддог.

Хуурайшуулсан бүтээгдэхүүнийг нарны шууд тусгалгүй, агаар буюу хүчилтөрөгчөөс тусгаарласан орчинд 1-2 жилийн хугацаанд хадгалах боломжтой. Хатаамал сүүнд агуулагдах шимт болон эрдэс бодис 10 дахин нэмэгддэгээрээ онцлог юм. Нөгөө талаасаа овор хэмжээ 10 дахин багасаж тээвэрлэх, хадгалахад илүү хялбар болдог.

Тиймээс бид ямар нэгэн нөөшлөгч бодис, хугацаа уртасгагч ашиглах шаардлагагүйгээр, үнээний цэвэр сүүг хатаан 'Golden Milk' брэндийн үнээний хатаамал сүүг эх орондоо үйлдвэрлэж байна” хэмээн Т.Цэрэнпагам ярилцлагын үеэр онцоллоо.

Сүүг хатааж нөөцлөх нь монголчууд бидний хувьд цоо шинэ зүйл биш юм. Бидний өвөг дээдэс эрт дээр үеэс сүүнд боловсруулалт хийн хатааж ааруул, ээзгий зэрэг уламжлалт цагаан идээг бэлтгэж өвлийн улиралд хэрэглэдэг байсан.

Энэхүү уламжлалт аргаар сүүний шимт чанарыг баяжуулан удаан хугацаанд хадгалдаг байсан бол өнөөдөр дэлхийн технологитой хослуулан, шингэн сүүний амт, шимийг яг тэр хэвээр нь хадгалсан 'Golden Milk' брэндийн ҮНЭЭНИЙ ХАТААМАЛ СҮҮГ үйлдвэрлээд байна.

Golden Milk брэндийн “Үнээний хатаамал сүү”-ний гол давуу тал

Дунджаар 100 мл шинэ сүүг хатаахад ойролцоогоор 10 грамм хуурай сүү гардаг. Өөрөөр хэлбэл, Golden milk брэндийн 10г хатаамал сүү нь 100мл шингэн сүүтэй ижил хэмжээтэй шимт бодисын агууламжийг хадгалсан байдаг.

Үнээний хатаамал сүү” нь 500 грамм савлагаатай хэдий ч 4 литр шингэн сүүтэй тэнцэхээс гадна ижил хэмжээтэй шингэн сүүнд агуулагдах шимт бодисыг агуулдаг. Түүнчлэн тээвэрлэхэд хөнгөн, хаана ч авч явахад хялбар, хадгалалтын тусгай нөхцөл шаардахгүй тул орчин үеийн завгүй амьдралын хэв маягт төгс нийцнэ. 100% дотоодын түүхий эдэд түшиглэн, олон улсын технологи ашиглан, хүнсний чанар, эрүүл ахуйн шаардлагыг бүрэн хангасан бүтээгдэхүүнийг танд хүргэж байна.

Facebook: Golden Milk

Вэбсайт: https://milko.mn/

Холбогдох утас: +976 7575- 6262