Монгол Улсад хараат бус, бие даасан хэвлэл мэдээллийг дэмжин хөгжүүлэх, мэргэжлийн сэтгүүл зүйг төлөвшүүлэх чиглэлээр 30 жилийн турш үйл ажиллагаа явуулж ирсэн Хэвлэлийн Хүрээлэнгийн ойг тохиолдуулан “Хэлэх эрхийн түүх – Ардчилсан хэвлэлийн 30 жил” баримтат киног бүтээжээ.

Энэхүү бүтээл нь 1990-ээд оноос хойшх Монголын хэвлэлийн эрх чөлөө, ардчилсан сэтгүүл зүйн хөгжлийн замнал, тулгарч ирсэн сорилт, ололт амжилтыг түүхэн баримт, архивын дүрс бичлэг, салбарын төлөөллүүдийн дурсамж, ярилцлагаар дамжуулан өгүүлнэ.

Киногоор хэвлэлийн эрх чөлөө нь өөрөө бий болдоггүй, харин мэргэжлийн стандарт, ёс зүй, боловсрол, судалгаа, тасралтгүй хүчин чармайлтын үр дүнд бүрэлддэг болохыг онцлон харуулах аж.

Эх сурвалж: Хэвлэлийн хүрээлэн