Энэ оны эхний найман сарын байдлаар хүүхдийн тэтгэмжээ шүүхийн шийдвэрээр тогтоосон хугацаанд гурван сараас дээш хугацаагаар төлөөгүйтэй холбоотой 188 зөрчил бүртгэгджээ. Үүнээс 182 хэргийг шийдвэрлүүлэхээр шүүхэд шилжүүлж, зургаан хэргийг шалгаж байна.

Шүүхээс 157 хүнд шийтгэл оногдуулснаас 75 хүнийг торгож, 82 хүнд баривчлах шийтгэл оногдуулжээ. Зөрчилд холбогдогчдын 154 нь эрэгтэй, дөрөв нь эмэгтэй байжээ.

Насны хувьд:

• 18-25 насны гурав,
• 26-35 насны 48,
• 36-45 насны 87,
• 46-55 насны 19 хүн байна.

Өөрөөр хэлбэл, шийтгэл хүлээсэн иргэдийн дунд 36-45 насныхан хамгийн олон буюу 87 хүн байгаа юм.

Хүүхдийн тэтгэмжээ гурван сараас дээш хугацаанд төлөөгүй зөрчлийн 93 буюу 49.5 хувь нь нийслэлд, 95 буюу 50.5 хувь нь орон нутагт бүртгэгджээ.

Эх сурвалж: Улсын ерөнхий прокурорын газар