Гялайж гялтайгаад байх охидын хамтлаггүй байсан яг тэр үед тохироо нь бүрдээд гараад ирсэн хамтлаг бол "Киви". Гэхдээ алдарт "Виагра"-гийн Монгол хувилбар болох тус хамтлаг нь рок попын урлагт олон талаар ач тустай байж ирэв. Тухайлбал продюсер гээч нь юу хийх ёстой, яадаг хүн байдаг вэ гэдгийг продюсертай байснаараа хамтлаг дуучдын ачаа хэр хөнгөрдөг болохыг ч манай урлагийнхан мэдэж авцгаасан тал бий.

Яахав Б.Ангирмаа продюсерийн тухайд жаахан ааштай л болохоос хариуцлагатай, чанга эмэгтэй болох нь илт байдаг. Харин сүүлийн үед ая зохиогч, дуучин Б.Ангирмаа "Banana" гэх хөвгүүдийн хамтлагт илүү ач холбогдол өгөх болсныг мэдэх хүмүүс нь ярьцгааж байна. Учир нь шаардлага өндөртэй продюсерийнхаа удирдлагад байхаасаа татгалзах болсон "Киви"-чүүд хөвгүүдийн хамтлаг хүч тавих болсныг ярьж явна.

Ямартаа ч "Киви"-гийнхэн продюсерийнхаа санал санаачлагаас зөрж салж тарах тухай ийнхүү олны ам дамжан яригдаж буй нь "Олны үг ортой" гэдэгчлэн гажуудуулсан юм лав биш биз.