ОХУ-ын Өмнөд Сибирийн Эрхүү муж орчимд зургаадугаар сарын 25-наас эхлэн орсон хүчтэй аадар борооны улмаас тус мужийн 55 тосгон, суурин газар үерт автаж их хэмжээний хохирол учраад байгаа юм. Албаны эх сурвалжийн мэдээлснээр 4200 гаруй айл үерт нэрвэгдэн, 1200 байшин, 13 гүүр нурсан юм.

Иймд Ерөнхийлөгчийн тамгын газар, “Гадаадад төгсөгч залуучуудын зөвлөл” ТББ-аас хандивын аян өрнүүлж байгаа юм. Эрхүү мужид тохиолдсон гамшгийн тусламжид манай үйлдвэрүүд дараах байдлаар хандив өгчээ;

• “Bodios cashmere” 50 ширхэг хөнжил, нийт үнэ 5,530,000 төгрөг, 
• “Сноу филдс” 120 ширхэг, нийт 4,802,000 төгрөгийн ноос, ноолууран хувцас,
• “Хос аз” компани 50 ширхэг хүүхдийн гутал,
• “Бэст шүүз” компани 41 ширхэг том хүний гутал,
• “Хас гутал” компани 12 ширхэг гутал,
• "Говь" ХК,
• "ТЕСО" корпораци,
• "Монгол Ноос",
• "CИЛПРО ХӨДӨЛМӨР ХАМГААЛАЛ" ХХК,
• "САМО" ХХК болон бусад албан байгууллага хувь хүмүүс

10’000 гаруй иргэн үерийн улмаас хохирол амсаад байгаагаас 2300 орчим хүүхдүүд юм. Түүнчлэн олон хүн амиа алдан, алга болжээ.

Энэ гамшигт үерт нэрвэгдсэн айл өрх, иргэд, хүүхдүүдэд тусламж үзүүлэх хандивын аяныг Гадаадад Төгсөгчдийн Нэгдсэн Зөвлөлөөс санаачлан ОХУ-д төгсөгчдийн болон Эрхүүд төгсөгчдийн холбоод хамтран зохион байгуулж байгаа юм. Хандивын аян дараах үндсэн хоёр чиглэлтэй байхаар төлөвлөжээ. 

ОХУ-ын Эрхүү мужийн үерт өртсөн өрхүүдээс 100 хүүхдийг Монгол улсад ирүүлэн, энэ сарын 15–25-нд д хүүхдийн зусланд үнэ төлбөргүй амраах (Одоогийн байдлаар ОУХНайрамдал цогцолбор, Эрдэнэт хотын Найрамдлын Эрдэнэс зуслангуудад амраахаар төлөвлөсөн)

Зусланд амрах эрхийн бичигт нийт 30 сая төгрөг (1 хүүхэд – 300’000₮) шаардлагатай.. Хүүхдүүдийн тээврийн асуудлыг Монголын Төмөр Зам болон агаарын тээврийн компаниудтай ярилцаж байна.