Засгийн газрын Хэрэг эрхлэх газрын дарга Б.Энхбаяр Засгийн газрын хуралдаанаас гаргасан шийдвэрийг танилцуулав.

Тэрээр, "“Богдхан төмөр зам”-той холбоотой, Засгийн газрын “маш нууц” тогтоол, хуралдааны тэмдэглэлийг нууцаас гаргана. Тодруулбал,

• “Бодь интернэшнл” компанитай нүүрсний оффтейк нууц гэрээгээр барьж байгуулахаар шийдвэрлэсэн “Богдхан төмөр зам" төсөлтэй холбогдох Үндэсний аюулгүй байдлын зөвлөлийн 2021 оны зургаадугаар сарын 23-ны өдрийн зөвлөмж, 
• Уг төслийг хэрэгжүүлэхтэй холбогдуулан гарсан Засгийн газрын маш нууц тогтоол,
• Хуралдааны тэмдэглэлийг төрийн нууцаас гаргаж, ил болгох шийдвэрийг Засгийн газрын хуралдаанаар гаргалаа" гэв.