Удаан ажиллах батарей, өндөр нягтаршилтай камер, ухаалаг ажиллагааг хослуулсан Xiaomi брэнд Мобикомын ухаалаг гар утасны сонголтод нэгдлээ.

Тодруулбал Мобиком Корпораци ухаалаг гар утасны зах зээлд борлуулалтаараа таван жил дараалан эхний гуравт эрэмбэлэгдсэн Xiaomi брэндийн гар утаснуудыг 2026.06.12-ны өдрөөс албан ёсоор худалдаалж эхэлсэн.

Одоогоор REDMI Note 15 болон REDMI A5 загварууд худалдаанд гарсан бөгөөд цаашид Xiaomi брэндийн бусад цуврал, загваруудыг үе шаттайгаар нэвтрүүлэх аж. Мобикомоос Xiaomi-г сонгох 10 шалтгааныг доор дурдъя.

1. Албан ёсны борлуулалт, баталгаатай эх үүсвэр

Xiaomi брэндийн гар утсыг 30 жилийн түүхт Мобиком албан ёсны эрхтэйгээр худалдаалж байгаа тул хамгийн баталгаат, найдвартай борлуулалтын эх үүсвэр болох юм.

2. Дэлхийд танигдсан брэнд

Xiaomi нь дэлхийн ухаалаг гар утасны зах зээлийн гурван том үйлдвэрлэгчийн нэг. Тус компани 2025 онд дэлхийн ухаалаг гар утасны зах зээлд 165.2 сая төхөөрөмж нийлүүлсэн бөгөөд тав дахь жилдээ эхний гуравт эрэмбэлэгдсэн брэнд юм.

3. Өдөр тутмын хэрэглээнд тохирсон цуврал

REDMI Note Series, REDMI A Series зэрэг цувралууд нь хэрэглэгчдийн ялгаатай хэрэгцээ, хэв маягт тохирсон өргөн сонголтыг санал болгодог.

4. Илүү урт хугацаанд ашиглах батарей

Xiaomi болон Redmi утаснууд нь өндөр багтаамжтай батарейтай тул нэг удаагийн цэнэглэлтээр  урт хугацаанд ашиглах боломж, эрчим хүчний хэмнэлттэй шийдлийг багтаасан.

5. Илүү жигд дүрслэл бүхий дэлгэц

Дэлгэц гүйлгэх, цэс хооронд шилжих, контент үзэх, тоглоом тоглох үед дүрслэлийг илүү жигд, нүдэнд тухтай харагдуулах шийдлийг Xiaomi брэндийн гар утаснуудад шингээж өгсөн.

6. Хиймэл оюунд суурилсан камерын шийдлүүд

Зургийн хорхойтнууд камертаа санаа зоволтгүй болсон. Өндөр нягтаршилтай камер болон хиймэл оюунд суурилсан зураг боловсруулалтын тусламжтайгаар хөдөлгөөнтэй дүрсийг ч фокустай, нягтаршил өндөртэйгөөр дарна. Түүнчлэн шөнийн горимд ч дүрслэл сайтай зургууд буулгана. 

7. Бат бөх хийц

Гар утас худалдаж авахдаа анхаарч харах хамгийн чухал зүйл нь мэдээж бат бөх байдал. Xiaomi брэндийн гар утаснууд уналтад тэсвэртэй бат бөх хийц болон дэлгэцийн хамгаалалттай.

8. Ус, тоосны ухаалаг хамгаалалт

Энэхүү брэндийн гар утаснууд загварын онцлогоосоо хамааран ус, тоосны ухаалаг хамгаалалтыг ч мөн шийджээ. Тухайлбал бороо, хөлс зэрэг чийгтэй нөхцөлд ч дэлгэцийн мэдрэгчийн ажиллагааг тогтвортой хадгалж, утсаа саадгүй ашиглах боломж олгодог. Мөн чанга яригчийн хэсэгт орсон ус, тоосыг өндөр давтамжийн чичиргээгээр гадагшлуулж, дууны чанарыг хамгаалдаг.

9. HyperOS үйлдлийн систем ба ухаалаг функцууд

Xiaomi HyperOS үйлдлийн систем нь өдөр тутмын хэрэглээг илүү хурдан, уялдаа холбоотой болгоход чиглэсэн ухаалаг функцуудтай. Тухайлбал хэрэглэгч бүр өөрийн хэрэглцээнд нийцүүлэн утасны харагдах байдал, цэсний зохион байгуулалтыг өөрчилж, хөдөлгөөн дүрслэлүүд нэмж, өөрийн өвөрмөц өнгө төрхтэй утсыг бүтээх боломжтой.  

10. Ирээдүйд нэмэгдэх илүү олон сонголт

Мобиком цаашид ч Xiaomi брэндийн олон төрлийн загвар, цувралуудыг үе шаттайгаар худалдаанд оруулж ирэх тул илүү өргөн сонголттой болно.
Одоогоор худалдаалагдаж буй загваруудын талаар товчхон:

• REDMI Note 15 

REDMI Note 15 нь өдөр тутмын хэрэглээнд шаардлагатай батарей, камер, дэлгэц болон бат бөх чанарыг нэг дор хослуулсан загвар юм. Тус загвар нь: 

• 6000mAh багтаамжтай батарей; 
• 108MP өндөр нягтралтай үндсэн камер; 
• 6.77 инчийн FHD+ AMOLED дэлгэц; 
• 120Hz refresh rate буюу секундэд 120 удаа шинэчлэгдэх дүрс; 
• Өндөр бат бөх чанартай дэлгэцийн шил; 
• IP64 тоос, усны цацрагийн хамгаалалттай. 

• REDMI A5 

REDMI A5 нь өдөр тутмын үндсэн хэрэглээг том дэлгэц, удаан ажиллах батарей болон AI камертай хослуулсан үнийн хувьд маш боломжийн сонголт юм. Тус загвар нь: 

• 5200mAh багтаамжтай батарей; 
• 32MP AI хос камер; 
• 6.88 инчийн өргөн дэлгэц; 
• 120Hz хүртэлх AdaptiveSync шинэчлэлтийн давтамж; 
• Хурууны хээ болон нүүр царайгаар таних хамгаалалт; 
• 8 cores процессортой. 

Xiaomi брэндийн гар утсыг албан ёсоор худалдаалж эхэлснээр Мобиком хэрэглэгчдэдээ өөр өөр хэрэгцээ, төсөвт нийцсэн ухаалаг гар утасны сонголтыг улам өргөжүүлж байна.

Бүтээгдэхүүний дэлгэрэнгүй мэдээлэл, үнэ болон худалдан авах нөхцөлтэй Mobicom.mn цахим хуудсаар танилцан онлайнаар захиалах боломжтой.