Цагдаагийн байгууллагад энэ оны наймдугаар сарын 19-ний өдрийн 06:00 цагийн орчимд “Бууцагаан сум Баянбүрд 4-р баг Богд уулын модны ам гэх газарт том хар тэрэгтэй хүн мал хариулж байгаа хүнийг мөргөөд зугтаасан” гэх дуудлага мэдээлэл бүртгэгдсэн.

"Шалгалтаар тус багт суух Э.О гэх 32 настай эрэгтэйг марк, улсын дугаар тодорхойгүй, хар өнгийн тээврийн хэрэгсэлтэй хүн мөргөж амь насыг нь хохироож зугтаасан гэх хэргийн шалтгаан нөхцөлийг тогтоохоор хэргийн газарт шуурхай ажиллаж байна. Хэрэгт гадаад улсын 2 иргэнийг холбогдуулан саатуулж, мөрдөн шалгах ажиллагааг үргэлжлүүлж байна" гэж албаны хүн мэдээллээ. 

Баянхонгор аймгийн Бууцагаан суманд гарсан хэрэгтэй холбоотой мөрдөн шалгах ажиллагааг шуурхай явуулж байна гэж Цагдаагийн ерөнхий газраас мэдээлсэн.