Ашигт малтмал, газрын тосны газрын Газрын тос бүтээгдэхүүний газрын дарга н.Чулуунбат шатахууны импорттой холбоотой цаг үеийн асуудлаар мэдээлэл өглөө. 

2026 оны 8 дугаар сард ОХУ, БНХАУ-аас 75 мянган тонн АИ92 шатахуун авахаар захиалга өгөөд байгаагийн 51 мянган тонныг нь бид аваад байна. Үлдсэн хоногуудад 21 мянган тонныг нь авна. 

Өнөөдрийн байдлаар АИ92 шатахууны 9 хоногийн нөөцтэй байна. Дараагийн ачилтууд нэмэгдвэл хэвийн хэмжээнд буюу 30 хоногийн нөөцийг бүрдүүлэх юм. Удахгүй 9 дүгээр сарын шатахууны захиалгыг хийж эхлэх ба ОХУ-ын Роснефт компаниас үнийг мэдэгдэнэ.

Улсын хэмжээнд ердийн хэрэглээ сард 72 мянга орчим тонн байдаг. Цаашид олдож л байвал үнэ бол хамаагүй, боломжит газруудаас авахаар ярилцаж байна. 

ОХУ-ын Роснефт компаниас АИ92 шатахууныг ЗГ хоорондын хэлэлцээрийн дагуу энэ сард тонн тутмыг 851 ам.доллараар нийлүүлэхээр болсон. Энэ нь өнгөрсөн сартай харьцуулахад тонн тутам нь 51 ам.доллароор өссөн ба 8 сарын 14-нд 200 төгрөгөөр өсөхөд нөлөөлсөн гэлээ.

 Дэлгэрэнгүйг дараах видеоноос хүлээн авна уу.