Боловсролын үнэлгээний төв нь гүйцэтгэлийн үнэлгээний үр дүнгээр цэцэрлэг, сургуулийг сум-баг, аймгийн төв, нийслэл гэсэн 3 байршлаар  5 түвшинд эрэмбэлж, үр дүнг unelgee.eec.mn системд байршуулна.

Боловсролын ерөнхий газраас байгууллагын гүйцэтгэлийн үнэлгээний үр дүнд үндэслэн холбогдох урамшууллыг олгох ажлыг зохион байгуулах юм.

Энэхүү үнэлгээнээс гарсан үр дүнг ашиглан цэцэрлэг, сургуулийн удирдлагууд байгууллагын менежмент, багшийн хөгжлийн хэрэгцээг тодорхойлох, чадамжийг хөгжүүлэх төлөвлөгөөг боловсруулна. 

Боловсролын байгууллагуудын гүйцэтгэлийн үнэлгээний үр дүн бэлэн болсон бол багшийн ажлын гүйцэтгэлийн үнэлгээний хариуг сургуулиуд өөрсдөө хариуцан нэгтгэнэ.

Эх сурвалж: Боловсролын яам