АН-ын гишүүд сайд нарт сэтгэл дундуур байгаагаа илэрхийлэв.

Өмнө нь сайдаар ажилласан хүмүүс дахин орж ирсэнд шүүмжлэлтэй хандан, эцэг эхчүүдийнхээ буянаар сайд болох юм уу гэж С.Эрдэнэ болд гишүүн асуув. Тэрээр "Н.Учрал сайд та 80-аад оны хоёр дахь сайд. Гэтэл танай танхимд залсан бурхан шиг нөгөө л нөхөд орж ирлээ. Та чөлөөлөх талаар их ярьдаг. Гэтэл энэ сайд нар таны ажлыг чөдөрлөнө. Та шахалт дарамтад орсон юм уу? Яагаад ийм танхим бүрдүүлэв?" гэж асуув.

Ерөнхий сайд Н.Учрал: Би олон зүйл хэлэхгүй. Ажлаараа харуулна, төрд ажилласан туршлага, хурд, манлайлал, аймаг удирдсан гэх мэтээр баг удирдсан, ажилдаа хурдан шуурхай орох зэргийг харгалзан үзсэн. Сад нар гишүүдийн үгийг сайн сонсоорой. туршлагатай кабинет бүрдүүлэхийг хичээлээ.        

УИХ-ын гишүүн Ө.Шижир: Хонь хурга нийлсэн мэт Засгийн газар бүрдлээ. Та нар хэдхэн хоногийн өмнө зад хэрэлдээд сууж байсан одоо нэг танхимд хамт суух нь. Урам хугарлаа.Би чиний хэргийг гэрчилнэ гээд байсан шүү дээ. Эвлэрчихсэн юм уу? Төрийн түүхэд анх удаа тав хоног УИХ, засгийн газрын ажил гацлаа. Та нар хамгийн түрүүнд Хэмнэлтийн хуулийг хэрэгжүүлээрэй. Үхрийн махны үнэ 31 мянган төгрөг  хүрчихлээ. Гэтэл та нар энэ талаар огт яриагүй шүү.