Монгол Улсын эрх баригч МАН-ын дотор хурцадмал байдал үүсэж, сөрөг хүчнийхэн бойкот зарласны дараа баасан гарагт Ерөнхий сайд Гомбожавын Зандандшатар огцорлоо.

Г.Занданшатарыг огцруулах хүсэлтийг УИХ хүлээж авав. Сөрөг хүчин болох Ардчилсан нам энэ сарын эхээр эрх баригч нам дотор эрх мэдэл төвлөрч байна гэсэн үндэслэлээр парламентын үйл ажиллагааг бойкотолж эхэлсэн.

Монголын улс төрийн энэ тогтворгүй байдал гадаадын хөрөнгө оруулагчдын санааг зовоож магадгүй байна.

Зургадугаар сараас хойш Ерөнхий сайдын албыг хашиж байсан Г.Занданшатар олон нийтийн сүлжээгээр хийсэн мэдэгдэлдээ улс төрийн тэмцэл эцэстээ эдийн засагт хохирол учруулж, үнийн өсөлтөд хүргэнэ гэжээ. Түүний оронд одоо УИХ-ын даргаар ажиллаж буй, МАН-ын дарга Ням-Осорын Учрал томилогдох төлөвтэй байна.

Монголын улс төрийн энэ тогтворгүй байдал гадаадын хөрөнгө оруулагчдын санааг зовоож магадгүй байна. Тэд Монголын улсын Засгийн газрын “богино настай” байдалд хэдийнээ болгоомжтой хандаж ирсэн.

Хөрш Хятад руу уул уурхайн экспортоос ихээхэн хамааралтай тус улс хууль тогтоомжийн өөрчлөлт, авлигын асуудлаас үүдэлтэй сорилтуудтай тулгарсаар байна.

Эх сурвалж: The Washington post