Маркетинг, дизайн, контент, технологи, хиймэл оюун болон бүтээлч салбарын шинэ чиг хандлагыг нэг дороос мэдрэх SMART Festival of Creativity 2026 энэ сарын 28, 29-нд хоёр өдрийн турш зохион байгуулагдана.

Монголын Маркетингийн Холбооноос жил бүр зохион байгуулдаг SMART Festival of Creativity энэ жил 10 жилийн ойтойгоо эргэн ирж байна. Харин энэ жилийн фестиваль өмнөх жилүүдээсээ цар хүрээ, формат, агуулгын хувьд илүү өргөн болж, Insight Day болон Festival Day гэсэн хоёр өөр өдрийн хөтөлбөрөөр үргэлжилнэ.

Энэ удаа Сингапур, Хонг Конг, Герман, Англи, БНСУ зэрэг таван улсаас олон улсын түвшинд ажиллаж буй 7 эксперт Монголд хүрэлцэн ирж, дэлхийн креатив салбарын шинэ тренд, бодит туршлага, хэрэгжүүлэх аргачлалаа хуваалцах юм.

ДЭЛХИЙН ТОМ БРЭНДҮҮДИЙН АРД АЖИЛЛАСАН ЭКСПЕРТҮҮД …

Энэ жилийн SMART-ийн гол онцлогуудын нэг нь дэлхийн томоохон брэндүүд болон олон улсын креатив салбарт ажилласан туршлагатай экспертүүдийг Монголд авчирч буй явдал.

Тэдний нэг бол Valerie Madon. Тэрээр P&G, Singapore Airlines, Visa, Shell, Burger King зэрэг дэлхийн брэндүүдтэй ажиллаж, Meta-гийн Зүүн өмнөд Азийн Creative Shop-ийг удирдаж байсан бөгөөд Cannes Lions-ийн шүүгчээр дөрвөн удаа ажилласан туршлагатай.

Мөн Sony, Land Rover, Heineken, Nokia, LEGO зэрэг брэндүүдтэй ажиллаж байсан, дэлхийн шилдэг бүтээлч ажлуудыг тодруулдаг LIONS байгууллагын Ази, Номхон далайн бүсийн дэд ерөнхийлөгч Ed Pank оролцоно.

Харин HBO, Pokémon, Xbox, Paramount, Bandai Namco, Unilever зэрэг брэндүүдийн хэрэглэгчийг энгийн үзэгчээс үнэнч фэн болгон хувиргах стратеги дээр ажилласан Calvin Innes “From Audience to Fandom” сэдвээр өөрийн туршлагаа хуваалцах юм. Түүний илтгэл нь анхаарлыг зөвхөн худалдаж авах бус, брэндийн эргэн тойронд жинхэнэ фэнүүдийн нийгэмлэг бий болгох тухай байх аж.

Ингээд нийт 5 улсын 7 олон улсын эксперт Монголын маркетер, бизнес эрхлэгч, дизайнер, контент бүтээгчидтэй өөрсдийн мэдлэг, туршлагаа хуваалцана.

2 ӨДӨР. 1 ТАСАЛБАР 
9/28 INSIGHT DAY

Хаан Театр, Фестивалийн эхний өдөр Монголын зах зээл, бүтээлч салбарт яг юу болж байгаа талаар дотоодын экспертүүдтэй ярилцана.

Дизайн, контент, инфлүенсер маркетинг, маркетинг ба технологи, дижитал маркетинг болон залуу маркетеруудын туршлага зэрэг сэдвээр илтгэл, хэлэлцүүлгүүд өрнөнө.

Skytel,  CU, Мобиком, ТЭСО зэрэг Монголын томоохон бизнесүүдийн маркетингийн төлөөлөл бүтээлч салбарынхантай шууд ярилцаж, бизнесүүд маркетинг, агентлаг, контент бүтээгчдээс яг юу хүсдэг, ямар асуудал тулгардаг, ямар хамтын ажиллагаа бодит үр дүнд хүргэдэг талаар хуваалцах юм.

Мөн стример, контент бүтээгчид, креаторууд маркетеруудтай хэрхэн үр дүнтэй хамтарч болох талаар өөрсдийн өнцгөө хуваалцана.

Өөрөөр хэлбэл, эхний өдөр “Монголд юу ажиллаж байна вэ?” гэдэг асуултын хариултыг салбар бүрийн дотоодын экспердүүдээс сонсох болно. 

9/29  FESTIVAL DAY

M Bank Arena, Хоёр дахь өдөр SMART олон улсын түвшний фестивалийн уур амьсгалтай үргэлжилнэ. 

Үндсэн тайзан дээр таван улсын долоон олон улсын эксперт дэлхийн креатив салбарын өөрчлөлт, шинэ тренд, бүтээлч аргачлал болон бизнесийн бодит жишээнүүдээ танилцуулна.

Гэхдээ SMART 2026 зөвхөн илтгэл сонсоод буцах фестиваль биш.

Энэ жилийн Форум тайз  дээр олон улсын болон Монголын экспертүүдийн workshop зохион байгуулагдаж, оролцогчид сурсан зүйлээ шууд ажилдаа туршиж үзэх боломжтой. Мөн Монголын бүтээлч салбарт амжилттай хэрэгжсэн case study-үүд танилцуулагдана. Өөрөөр хэлбэл суусан газраас чинь заавал нэг чулуу атгагдах болно гэсэн үг юм. 

СМАРТ ЗӨВХӨН МАРКЕТЕРУУДЫН ФЕСТИВАЛЬ БИШ

SMART Festival-ийг зөвхөн маркетингийн мэргэжилтнүүдэд зориулсан арга хэмжээ гэж ойлгох нь өрөөсгөл.

Энэ жилийн агуулга нь:

• Маркетингийн захирал, менежерүүд
• Брэнд менежерүүд
• Бизнес эрхлэгчид
• Агентлагийн мэргэжилтнүүд
• Дизайнер, Creative Director-ууд
• Контент бүтээгчид
• PR, social media мэргэжилтнүүд
• AI болон технологийн сонирхогчид
• Оюутан, залуу маркетерууд
• Бүтээлч салбарын шинэ үеийн төлөөллүүд зэрэг олон төрлийн оролцогчдод зориулсан байна.

Учир нь өнөөдөр бүтээлч байдал зөвхөн сурталчилгааны хэрэгсэл биш, бизнесийн өсөлтийн нэг хэсэг болж байна.

Сайн бүтээгдэхүүнтэй байх нь хангалтгүй болсон энэ үед хэрэглэгчийн анхаарлыг татах, итгэл бий болгох, брэндийг мартагдашгүй түүх болгон хүргэх чадвар бизнесүүдийн өрсөлдөөний чухал хэсэг болж байна.

Тиймээс SMART Festival of Creativity 2026 нь шинэ мэдлэг авахаас гадна шинэ хүнтэй танилцах, шинэ санаа олох, дараагийн хамтын ажиллагааныхаа эхлэлийг тавих газар байхаас гарцаагүй.

ТАСАЛБАРТ ЯГ ЮУ БАГТАВ?

Тасалбарт 2 өдрийн фестивалийн хөтөлбөрөөс гадна ивээн тэтгэгч оролцогч байгууллагуудын танилцуулгын хэсгээр зочлох боломж, хоол, кофе, сэндвич, ус ундаа болон хоёр дахь өдрийн after party-ийн шар айраг, чанартай хөгжим зэрэг багтсан байна.

Огноо:

• 9 сарын 28 — Insight Day | Хаан Театр
• 9 сарын 29 — Festival Day | M Bank Arena

Үндсэн тасалбар: 440,000₮
10+ групп тасалбар: 400,000₮ / болж хөнгөлөгдөх боломжтой. 

Дэлгэрэнгүй мэдээлэл болон тасалбар:

marketing.org.mn — SMART Festival of Creativity 2026

https://shoppy.mn/products/414_smart-marketing-2026

10 жилийн турш Монголын маркетинг, бүтээлч салбарынхныг нэг дор цуглуулсаар ирсэн SMART Festival of Creativity фестивалийг  GoGo.mn онцоллоо.