Алдарт дуучин Тони Брэкстон америкийн нэгэн сэтгүүлд маш өндөр өртгөөр нүцгэн зураг авахуулжээ. Уг зургийг авахуулсны дараа мэргэжилтнүүд түүнийг ихээр шүүмжилсэн байна.

"Олны танил хүн мөнгөний төлөө нүцгэн зураг авахуулна гэдэг байж боломгүй хэрэг. Тиймээс үүнд хариуцлага тооцох хэрэгтэй" гэдгийг оддын менежер Брэндмэн гэгч өгүүлсэн байна. Тэгвэл тэрбээр энэхүү мөнгөөрөө "X Factor" хэмээх уралдаанд түрүүлсэн Александра гэгч бүсгүйг ивээн тэтгэх болсон тухайгаа хэвлэлийнхэнд мэдэгдлээ. Энэ тухай өнгөрөгч даваа гарагт тэрбээр өөрийн харшдаа мэдээлэл өгсөн байна. Тэрбээр хэлэхдээ "Залуу дуучдыг дэмжихийн тулд би юуг ч хийж чадна. Магадгүй ирээдүйд тэсрэлт хийж чадах хэн нэгэн гарч ирвэл би түүний төлөө юу ч хийнэ. Би залуу үеийг дэмжиж ажилладаг" хэмээн мэдэгджээ.

Тэрбээр Александра гэгч бүсгүйг бүх талаар нь дэмжиж, туслалцаа үзүүлэх болсон байна.