УИХ-ын сонгуульд оролцох хүсэлтээ 13 нам, 3 эвсэл Сонгуулийн ерөнхий хороонд ирүүлээд байсан.

Тэгвэл Сонгуулийн ерөнхий хороо хүсэлтээ ирүүлэхэд хамт илгээсэн холбогдох баримт бичгүүдийг нягталсны үндсэн дээр 11 нам, 3 эвслийг бүртгэхээр болсноо зарлаж, батламжийг нь гардууллаа.

Батламжийг Улсын дээд шүүхийн бүртгэлийн дагуу дараах нам, эвслүүдэд олголоо.

1. МАН
2. АН
3. Тусгаар тогтнол, эв нэгдлийн нам, МНН-ын Тусгаар тогтнол, эв нэгдлийн эвсэл
4. МУНН
5. Хөгжлийн хөтөлбөр болон Монголын либерал намын “Хаан сонголт” эвсэл
6. БНН
7. Монголын социал-демократ нам
8. Эрх чөлөөг хэрэгжүүлэгч нам
9. Иргэний хөдөлгөөний нам
10. Ардчилсан хөдөлгөөний нам
11. МАХН
12. Эх орончдын нэгдсэн нам, Хамуг Монголын хөдөлмөрийн намын “Эх орончдын нэгдсэн эвсэл”
13. Монголын консерватив нам
14. Ард түмнээ хайрлая нам

Анх хүсэлтээ өгсөн намуудаас ХҮН болон ИЗНН-ыг бүртгээгүй. Үүний шалтгааныг Сонгуулийн ерөнхий хорооны нарийн бичгийн дарга Ц.Болдсайхан “Сонгуульд оролцох намууд 10 төрлийн бичиг баримт ирүүлэх ёстой. ХҮН бичиг баримт дутуу ирүүлсэн. Тэр нь сонгуулийн дансны мэдээлэл байсан.

Мөн хоёр өөр тамгатай баримт бичиг илгээсэн. Сонгуульд оролцох хүсэлтэд намын дарга гарын үсэг зурж, тамга дарж батагаажуулахыг шаарддаг. Энэ бичигт дарагдсан тамгыг хуулийн этгээдийн бүртгэлийн газраас хүчингүй гэж үзсэн. Ирүүлсэн бичгүүдэд хоёр өөр тамга дарагдсан байсан.

Нэгэнт ийм байсан тул ХҮН-ыг бүртгэх үндэслэлгүй гэж үзсэн. ИЗНН-ын хувьд баримт бичгүүд бас л учир дутагдалтай байсан. Жишээ нь, тогтоолд С.Оюун даргынх нь гарын үсэг байхгүй байсан. С.Оюун дарга ирж тайлбараа өгсөн. Энэ нам 3 даргатай. Гэтэл сонгуульд оролцох хүсэлтэд ганц Ц.Ганхуяг даргын гарын үсэг байсан. Тавдугаар сарын 2-ны өглөө хурал хийхэд өглөө нь Дээд шүүхийн бүртгэлд ИЗНН-ын даргаар Ц.Ганхуягийг баталж, бүртгээгүй байсан” гэв.  

Гэрэл зургийг: Б.Бямба-Очир