Улсын Филармонийн 45 жилийн ойд зориулсан “МОНГОЛ УЛСЫН ФИЛАРМОНИ-45” тоглолт өнөөдөр болно. Тус тоглолт нь жил бүр болдог “SNOW MELODY” тоглолтыг нэгтгэн Улсын Филармонийн нийт уран бүтээлчид болон урилгаар рок, попын одод оролцох юм. 

Бүрэлдэхүүндээ Симфони найрал хөгжим, Баянмонгол жазз найрал хөгжим, Морин хуурын чуулга, дуучид гээд 160 гаруй уран бүтээлчдийг багтаасан тус тоглолт Соёлын Төв Өргөөнд 19.00 цагаас болно. 

Дундаа завсарлагаатай хоёр цаг үргэлжлэх ба өвөрмөц дуугаралт, гайхамшигтай орчин, шинэ хэв маягийн тайз засалт мэргэжлийн уран бүтээлчдийн сэтгэл сэргээм тансаг хөг аялгууг танд мэдрүүлж, мартагдашгүй дурсамжыг үлдээх болно.

Өөр өөр, төрөл жанр, дуугаралт бүхий мэргэжлийн 180 гаруй уран бүтээлч нэгэн тайзнаа цуглах тус тоглолтод:

• Улсын Филармонийн Симфони найрал хөгжим
• Удирдаач Д.Нямдаш /СТА/, Б.Батбаатар /СТА/
• Баянмонгол жазз нарал хөгжим
• Удирдаач Б.Ганбат /МУУГЗ/, Б.Нямдорж /МУУГЗ/, С.Саруул-Од /СТА/
• Морин хуурын чуулга
• Удирдаач Д.Түвшинсайхан /СТА/, Н.Жигжиддорж /СТА/
• Улсын Филармонийн гоцлол дуучин
• С.Эрдэнэцэцэг /МУГЖ/, Б.Мөнхбаатар /МУГЖ/, С.Баттулга /СТА/, Н.Наранбаатар /СТА/, Ц.Хулан /СТА/, Л.Насанбуян /СТА/, Б.Дэлгэрбаяр /СТА/, Т.Отгонбаяр, Б.Монголхүү
• Урилгаар: ДБЭТ-ын дуучин С.Мөнгөнцэцэг /МУГЖ/, Ш.Наранчимэг /СТА/, Б.Энхнаран, Никитон хамтлагийн дуучин Б.Батчулуун /МУУГЗ/, Номин Талст хамтлагийн дуучин Т.Дэлгэрмөрөн /СТА/ нар оролцоно.

Тоглолтын тасалбар: Партер :40,000₮, Бельтаж: 20,000₮