Өнөөдөр олимпийн наадмын албан ёсны тэмцээний хоёр дахь өдөр. Манай баг тамирчдаас өнөөдөр дөрвөн хүн тэмцээнд оролцох ёстой байгаа.

Яг одоо О.Гүндэгмаа, Ц.Мөнхзул нар 10м-ийн хийн гар буун төрөлд хүч самбаагаа сорьж байна.

10.30 цагийн үед тэдний нэгдсэн дүн гарч, цаашлаад шигшээд орох эсэх нь шийдэгдэнэ. Дөнгөж сая авсан мэдээгээр Ц.Мөнхзул, О.Гүндэгмаа нар чамгүй амжилттай буудаж байгаа аж.

Мөн энэ өдөр жүдо бөхийн тамирчин М.Бундмаа /52 кг. эм/ өнөөдөр 12.00 цагийн үед барилдах бол боксын тамирчин У.Мөнх-Эрдэнэ /64 кг. 1-р тойрог/ 19.00 цагийн орчимд эхний тоглолтоо хийх юм байна.