Элон Маск бол энэ цагийн суутан, шилдэг удирдагч. Тэгвэл түүний эзэмшдэг Тесла моторсын 2014 оны аравдугаар сард танилцуулсан Model S-ийг унахад ямар байдаг бол гэж та гайхаж магад. Дэлгэцэндээ ойртон суугаад, чихэвчээ зүүчих.

Model S дөрвөн дугуйндаа хөтлөгчтэй, автомат жолоодлогын системтэй, богино хугацаанд хурд авдаг тэгээд ХОЁРЫН ХОЁР цахилгаан хөдөлгүүртэй билээ.

Хос хөдөлгүүртэй Model S олон талаараа анхны загвараасаа илүү үзүүлэлттэй. Дөрвөн дугуйндаа хөтлөгчтэй, автомат жолоодлогын системтэй, богино хугацаанд хурд авдаг тэгээд ХОЁРЫН ХОЁР цахилгаан хөдөлгүүртэй билээ.

2012 онд анх танилцуулагдаж байсан Model S-ийн анхны загвар 5,9 секундэд 100км/цагийн хурд авдаг. Ер нь бол боломжийн хурдан. Гэхдээ хос хөдөлгүүртэй шинэ загвар нь 3,2 секундэд 100км/цаг хурдалдаг.

Ингэснээр Феррари, Ламборгини, МкЛарен F1 зэрэг спорт машинуудтай адилхан болсон юм. Тэгвэл DragTimes гэх хурд хүч сайтай машинуудын хүчийг хэмждэг Youtube-ийн суваг сонирхолтой туршилт хийжээ.

Тэд энгийн иргэдийг дэргэдээ суулгаад Теслагийн “Insane Mode” товчлуурыг дарахыг хүссэн юм. Хүн болгон спорт загварын Ламборгини унаад байдаггүй учир эдгээр хүмүүс маш ихээр цочирдож байгааг та харна.

Дээрээс нь хараалыг ч урсгаж өгнө дөө. Харин хамгийн сүүлд суусан бүсгүй “Би өдөр болгон ингэсэн ч чадна. Ер нь өдөр алгасахгүй ингэх хэрэгтэй юм байна” гэжээ. Эцэст нь хэлэхэд Тесла гайхалтай машин бүтээсэн. Ийм машин бүтээх шалтгаан болсон Маскт баярлалаа. Дээрээс нь хөдөлгүүрийнх нь чимээ ямар тасархай гээч.