Азийн Хөгжлийн  Банкны ажилчдын хандив болон Канад сангийн төслийн дэмжлэгтэй 13995$-ийн өртөг бүхий брайль, крилл, зурган мэдээллийг гурвалсан форматаар гаргадаг хэвлэгч машиныг брайль хэвлэлийн төвд худалдан авч, өнөөдөр суурилууллаа.

Гурвалсан формат бүхий номыг эцэг эх багш нар ашиглан сурагчдын уншлагыг хянах, зураг тайлбарлан  хүүхдийн төсөөллийг бодитой  болгох боломж бүрдэж байна.

Монголын хараагүйчүүдийн үндэсний холбоо уг принтерийг хүлээж авах ёслолын үйл ажиллагааг өнөөдөр Азийн Хөгжлийн Банкны Суурин төлөөлөгч Роберт Шоэллхаммэр,  Канад Улсаас Монголд Улсад Суугаа Онц бөгөөд Бүрэн Эрхт Элчин Сайд Эд Жэйгэр нарын оролцоотой зохион байгууллаа.

Энэ үеэр ерөнхий боловсролын сургуулийн  хүүхдүүдэд зориулсан гурвалсан формат бүхий анхны сурах бичгийг ч хараагүй хүүхдүүдэд хүлээлгэн өгөв.