Ирэх оны төсвийн төслийн анхны хэлэлцүүлгийг УИХ-ын чуулганы нэгдсэн хуралдаанаар хэлэлцэж байна.

С.Чинзориг (УИХ-ын гишүүн):
-Нийгмийн хамгаалаллын бодлоготой холбоотойгоор “Босго шугам” гэсэн ойлголт оруулж ирэх шаардлагагүй гэж бодож байна. Сүүлийн үед орлого орлуулан тооцох аргачлал гэдгээр хөрөгчтэй, хөргөгчгүйгээр нь мөнгө өгнө, өгөхгүй гэх болж.

Эдгээрийг чинь аав, ээжүүд нь айл гэр болоод гарахад өгдөг шүү дээ. 36 сарын тэтгэмжийг ажилласан жилтэй нь уялдуулж олгохыг дэмжихгүй байна. УИХ-аас өгсөн чиглэлээс эсрэгээр ажиллаж байна.  

Д.Ганбат (Сангийн яам):
-Төсөлд нэр томъёог нь тайлбарласан. Үүнийг хуульд заавал оруулахгүй бол хуультай зөрчилдөнө гэж оруулсан. Халамжийн тухай хуульд арай өөр ойлголт байгаа. 36 сарын тэтгэмжийг тодотголын өмнөх байдлаар буюу буцааж сэргээх байдлаар оруулж ирсэн. Ямар нэг өөрчлөлт хийгээгүй.

Н.Учрал (УИХ-ын гишүүн):
-Хүүхдийн мөнгө болон 65-аас дээш насныханд өгмөөр байна. Өөр эх үүсвэрээс хөрөнгө дайчлах боломж байна. Жишээ нь, төмөр зам гэж “том айл”, бусад өндөр төлбөртэй хувийн дунд сургууль, цэцэрлэгүүдэд хувьсах зардал гэж их хэмжээний хөрөнгө гаргах шаардлага байгаа юм уу. Харин тэр мөнгөө нийгмийн хамгааллын бодлогуудаа хэрэгжүүлэхэд хэрэглэх ёстой.

Б.Чойжилсүрэн (Сангийн сайд):
-Ийм шүүмжлэл байгаа. Хууль эрх, зүйн орчныг судалж үзээд, шаардлагатай бол хуулийн төсөл санаачлан өргөн барих бодолтой байна.