Хар тамхи олж авсан, бэлтгэсэн, бусдад худалдсан хэргээр Эрүүгийн хуулийн 192 дугаар зүйлийн гурав дахь хэсэгт заасны дагуу Х.Лхагвасүрэнд Сүхбаатар дүүргийн шүүхээс долоон жил хорих ял оноож шийдвэрлэсэн. Түүнд оноосон ялыг Нийслэлийн шүүхээс саяхан хэвээр баталсан юм.

Х.Лхагвасүрэнг аль ангид шилжүүлснийг нь шүүхийн шийдвэр гүйцэтгэх байгууллагынхан ихэд нууцалж буй гэнэ. Баттай эх сурвалжийн мэдээлснээр түүнийг нийслэлийн ойролцоох буюу хүмүүсийн нэрлэдгээр Тоосгоны хориход ял эдлүүлэхээр шилжүүлсэн аж. ШШГЕГ-ын харьяа хорих 409 дүгээр ангид тэрбээр ял эдлэх юм.

Г.Равжаа