Баян-Өлгий аймгийн Нэгдсэн эмнэлэгт 31 настай эмэгтэй кесарево хагалгаа хийлгэх үед эндсэн харамсалтай тохиолдол 9-р сарын 15-ны өдөр гарчээ.

Энэ талаар Эрүүл мэндийн сайд Э.Батшугараас өнөөдөр тодруулахад, Энэ мэдээлэл надад өчигдөр орой ирсэн. Юуны өмнө талийгаачийн гэр бүлээс салбарынхаа нэрийн өмнөөс уучлалт гуйж, эмгэнэл илэрхийлж байна. 

Нас барсан шалтгааныг тогтоохоор Шүүх шинжилгээний үндэсний төв болон Эмгэг судлалын төвийн баг Улаанбаатараас гарсан. Эсийн шинжилгээ хийнэ. Эцэст нь эмчийн буруугаас болсон уу, ямар шалтгаан байсныг тогтооно гэлээ.