"WorldSkills" ур чадварын уралдаан нь хоёр жил тутам зохион байгуулагддаг бөгөөд дэлхийн улс орнуудын шилдэг залуу мэргэжилтнүүд ур чадвараа олон улсын стандартаар сорьдог тайз юм.

БНХАУ-ын Шанхай хотноо “WorldSkills Shanghai 2026” дэлхийн ур чадварын хамгийн том уралдаан 48 дахь удаа болох юм. Есдүгээр сарын 22-27-ны өдрүүдэд зохион байгуулагдана.

Уралдаанд дэлхийн 80 гаруй улсын 1385 оролцогч 64 мэргэжлийн төрлөөр ур чадвараа сорин өрсөлдөнө. Техникийн төлөөлөгчид талбартайгаа танилцаж, аюулгүй байдлын зааварчилгаа авах ажил үргэлжилж байна. Өнөөдөр эксперт багш нар уралдааны стандарт дүрэм журмын сургалтад хамрагдлаа. 

2024 онд манай улс долоон мэргэжлээр оролцож байсан бол энэ жил амжилтаа ахиулан 12 мэргэжлээр оролцохоор бэлтгэлээ хангаад байна.

Энэ удаа График дизайн, Механик инженер CAD, Автомашины засвар болон химийн технологи гэсэн дөрвөн чиглэлээр анх удаа оролцох юм. Түүнчлэн анх удаа гурван эмэгтэй суралцагч оролцож буйгаараа онцлог байна.
Монгол Улсын үндсэн багаас 12 оролцогч, 12 эксперт, зургаан орчуулагч, зургаан албаны төлөөлөл, 44 албан ёсны ажиглагч, 75 дэмжигч төлөөлж оролцоно.

Эх сурвалж: Боловсролын ерөнхий газар