“Нүүдэлчин” дэлхийн соёлын наадам энэ дугаар сарын 21–23-ны өдрүүдэд Налайх дүүргийн "Тайж хайрхан"-ы бэлд болно.

Тус наадам нь Монголчуудын соёл, өв уламжлалыг үндэсний болон олон улсын хэмжээнд сурталчлан таниулах, соёлын аялал жуулчлалыг хөгжүүлэх, нүүдлийн соёл бүхий улс орнуудын соёлын хамтын ажиллагааг нэмэгдүүлэх ач холбогдолтой.

Соёлын биет бус өвийн долоон ай савын 362 төрөл зүйлийн хүрээнд шилдэг өвлөн уламжлагчдын тоглолт, үзүүлбэр, үзэсгэлэн худалдаа, үндэсний спортын олон төрөлт уралдаан тэмцээн зэрэг олон талт хөтөлбөрт арга хэмжээ болох аж.

Нүүдэлчин соёлын наадам руу Д.Сүхбаатарын талбайгаас үнэ төлбөргүйгээр автобусанд суун очих боломжтой.

• Наймдугаар сарын 21-нд 07:00-21:30 цагт 25 минут тутамд
• Наймдугаар сарын 22, 23-нд 07:00-21:30 цагт 18 минут тутамд автобус явна.