Монголын мэргэшсэн нягтлан бодогчдын институтийн хорин жилийн ой, Хэвлэлийн хүрээлэнгийн дэргэдэх эдийн засгийн “Өөрчлөгч” клубын зургаан жилийн ой удахгүй тохионо. Иймд нягтлан бодох бүртгэл, аудитын үйл ажиллагаа, мэргэжилтнүүдийн хувь нэмэр улс орны хөгжил, эдийн засагт хэрхэн нөлөөлж байгааг тодорхой жишээ баримтаар нотлон харуулж, шийдвэр гаргагчид, олон нийтэд таниулах зорилгоор шилдэг бүтээлийн уралдаан зарлалаа. 

Уралдааны сэдэв “Бүртгэл, аудитын хөгжил бидний амьдралд” бөгөөд энэ сарын 27-ныг хүртэл бүтээл хүлээн авна.

Бүтээлд тавих шаардлагууд

1.Уралдаанд ирүүлэх бүтээлийг сонин хэвлэлд нийтлүүлж, радио, телевизээр цацсан байна. Телевизийн бүтээл нь мэдээ сурвалжлага, нэвтрүүлэг байж болох ба бүтээлийг DVD, VCD эсвэл дижитал хувилбараар ирүүлнэ.

2. Радио нэвтрүүлгийг аудио CD эсвэл дижитал хувилбараар,

3. Сонин хэвлэлийн болон цахим орчны бүтээл бол нийтлэгдсэн хувийг ирүүлнэ.

4. Асуудал хөндсөн бүтээл нь баримтад тулгуурласан, олны анхаарлыг татаж, нийгмийн сэтгэлзүйд хүрсэн, бодлого шийдвэр гаргахад нөлөөлөхүйц, асуудлыг шийдвэрлэх арга замыг эрэлхийлсэн,

5. Баримт, судалгаанд тулгуурласан, тэнцвэртэй, бодитой байх.

6. Сэтгүүлчийн мэргэжлийн шаардлага шалгуур, ёс зүйн хэм хэмжээг баримталсан байх.

7. Уралдаанд оролцогчид бүтээлийн хамт овог нэр, хаяг, утасны дугаар, цахим шуудангийн хаяг бүхий мэдээллийг хавсаргах

9. Дурдсан хугацаанаас өмнө нийтэлж, нэвтрүүлсэн бүтээлийг авахгүй. Зөвхөн уралдаанд зориулан бүтээсэн бүтээлийг хүлээн авна.

Уралдаанд ирүүлсэн бүтээлийн шалгаруулалтыг эдийн засгийн салбарын мэргэжилтний бүрэлдэхүүн бүхий шүүгчдийн баг хариуцах юм байна. Тэд бүтээлийн агуулга, хэмжээ, чанарын үзүүлэлтээр дүгнэж, дараах байрыг эзлүүлэх юм.

I байр нэг, өргөмжлөл, 1.000.000 төгрөг
II байр-нэг, өргөмжлөл, 700.000 төгрөг
III байр-нэг, өргөмжлөл, 300.000 төгрөг

Бүтээл хүлээн авах сүүлийн хугацаа энэ сарын 27 бөгөөд илүү дэлгэрэнгүй мэдээлэл авах бол Хэвлэлийн хүрээлэнгийн менежментийн албанд хандаарай.