Спортын мастер Б.Уламбаяраар ахлуулсан чөлөөт бөхийн гүнзгийрүүлсэн сургалттай 62 дугаар сургуулийн баг тамирчид бас нэгэн медальтай иржээ. Тэд энэ удаа Буриад улсын "Энхэ талы" дүүрэгт энэ сарын 22-24-нд болсон "Орос-Монголын найрамдал" уулзалт тэмцээнд оролцоод иржээ. Тус сургуулийн сурагч Б.Бадрахбаяр 42 кг-ын жинд хүрэл медаль хүртэж гурван тамирчин нь шагналт байрт шалгарсан байна.

Дашрамд дурьдахад Б.Уламбаяр багшийн дэвжээнийхэн үүний өмнө Улаан-Үд хотод болсон тэмцээнээс есөн медальтай ирсэн аж. Тус дэвжээнийхэн ирэх сарын 9-10-нд Якутад болох тэмцээнд оролцохоор ирэх сарын 6-ны өдөр явах аж.