"Катар 2022" ДАШТ-ий хүрэл медалийн төлөөх тоглолт Хорват болон Мароккогийн хооронд болоход 2-1 харьцаагаар Хорват хожлоо.

Дэлхийн аваргын хүрэл медалийн төлөөх тоглолт аваргын төлөөх тоглолтод дарагдаж анхаарлын төвд байдаггүй ч олон гоолтой сонирхолтой болдог түүхтэй.

Энэ удаад ч түүх давтагдаж эхний үед гурван гоол орсон. Тоглолтын 7 дахь минутад Хорватын залуу хамгаалагч Йошко Гвардиол тооны харьцааг нээсэн бол 9 дэх минутад Мароккогийн хамгаалагч Ашраф Дари мөн мөргөж тооны харьцааг тэнцүүлсэн юм.

Хорватчууд 42 дахь минутад олон том клубийн анхааралд өртсөн Мароккогийн хаалгач Яссин Бунуг хэмжсэн Мислав Оршичийн гоолоор дахин тэргүүлсэн.

Улмаар Хорват хоёрдугаар үед хамгаалсаар, сайн хамгаалдгаа харуулсаар дуусгаж хүрэл медаль хүртлээ. Тэд ийнхүү хоёр ДАШТ дараалан медаль хүртэв. Харин Африк, Арабчуудын бахархал болсон Марокко олон гарааны тоглогчоо бэртэлд алдсан ч эцсийн мөч хүртэл тэмцээр дуусгалаа.

Гарааны бүрэлдэхүүн:

Хүснэгт:

Voo аппликейшн татах

• Android
• iOS