УИХ-ын чуулганы хуралдаан үргэлжилж байна. Хуралдаанаар Олон нийтийн сүлжээнд хүний эрхийг хамгаалах тухай хуулийн төслийн талаар хэлэлцэж байна.

Олон нийтийн зүгээс гарсан санал, шүүмжлэлийг харгалзан үзэж залруулж өөрчлөх зургаан санал хураалт явуулах аж.

Олон нийтийн сүлжээнд хүний эрхийг хамгаалах тухай хуулийн төслийг эцэслэн батлахаар Аюулгүй байдал, гадаад бодлогын байнгын хороонд шилжүүллээ.

УИХ-ын дарга Г.Занданшатар:

-ХЭҮК хүний эрхийн зөрчил байхгүйд онцгой анхаарч хуулийн зөрчил гарвал оруулж ирж хэлэлцэнэ. Хуулийн хэрэгжилт хангах болон хяналтын зөвлөл сонгон шалгаруулах ажлын хэсгээ байгуулж ажиллана. Зөрчил гарвал хуулийн хэрэгжилтийг хангах нь УИХ-ын үүрэг. иргэдийн ярьж байгаа шиг хүний эрхийн болоод үзэл бодлоо илэрхийлэхэд зөрчил гарах юм бол хамтарсан ажлын хэсэг хянан үзээд гуравдугаар сарын 15-нд хаврын чуулганаар хэлэлцэх чиглэл өгч байна.

Хуулийг эцэслэн батлах санал хураалтад 52 гишүүн оролцсоноос 40 нь дэмжив. Ингэснээр хуулийг эцэслэн баталж, 2023 оны хоёрдугаар сарын 1-нээс дагаж, мөрдөхөөр боллоо.