Юун түрүүнд Үндэсний портал GoGo.mn сайтаас зарласан “Ханьдаа бичих хайрын захиа” уралдаанд захидал ирүүлж буй залуустаа баярлалаа. Та бүхний хайрын захидал мартын 8-ны өдөр манай сайтын мэдээний буланд байрших болно.

Харин захидал ирүүлэхээр зэхэж буй залуус та бүхэнд ирэх долоо хоногийн пүрэв гараг хүртэл зай байгааг сануулья.

Уралдаанд оролцохын тулд та захидлаа news@mongolcontent.mn цахим шуудангаар “Ханьдаа бичих хайрын захиа” хэмээн хаяглаж илгээгээрэй.

Ирсэн бүтээлүүдээс сонгон, хэсгээс нь сонирхуулъя.

“...Сая санаандгүй танай сайт руу зочилсон чинь захидал бичих талаар хараад тэгээд л ханьдаа захидал бичээд сууж байна. Ийм боломж олгож байгаа танай хамт олонд талархаж байна.

... Миний ханьд амьдрах ухаан яаж амьдралыг амттай болгох тийм хүсэл эрмэлзэл, зорилго тэр бүхнийг эмэгтэй хүний нарийн мэдрэмжээр харж оньсого мэт асуудлыг шийдэж чаддаг тийм л ухаантай энгийн нэг монгол бүсгүй. Энэ бүсгүйд дурласан бас сэтгэлээ өгсөн. Одоо бие биедээ итгэж нэгнийгээ хайраар дутаахгүй үр хүүхдээ өсгөж амьдрал өөд тэмүүлэх тийм л зам зурайж байна.

... Мэдээж амьдралд зөндөө л асуудал байсан тэр үеийг давж чадсан. Бид чадсан. Зоригтой байгаарай. Хамтдаа гэр бүлээрээ сайн сайхны төлөө зүтгэж амьдрах болно. Хайртай шүү…”

Залуус та бүхэн манай уралдаанаар дамжуулж хайрын үгсээ халамжит ханьдаа харамгүй зориулаарай.