УИХ-ын чуулганы өнөөдрийн хуралдаан Улсын нисэхийн тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд / Засгийн газар 2026.04.20-ны өдөр өргөн мэдүүлсэн/-ийн анхны хэлэлцүүлгээр үргэлжилж байна. 

Батлан хамгаалахын сайд Д.Батлут:

-Сүүлийн 11 жилийн хугацаанд нисдэг тэрэгний хоёр осол болсон. 2015 онд МИ-8 нисдэг тэрэг осолдсон. Энэ осол техникийн нөхцөлөөс болсныг үзлэгээр тодорхойлсон. Мөн 2022 онд онцгой байдлын албаны нисдэг тэрэг осолдсон. Гадаад нисгэгчтэй байсан, нисгэгчийн буруутай үйлдлээс болж осолдсон гэдэг тодорхойлолт гарсан.

Энэ хуулийн төслийг улсын нисэх үйл ажиллагаатай холбоотой бүхий л харилцааг зохицуулах, өнөөгийн эрэлт хэрэгцээнд нийцүүлэхээр өргөн барьсан.