Монгол Улсаас Холбооны Бүгд Найрамдах Бразил Улсад хавсран суух Онц бөгөөд Бүрэн эрхт Элчин сайд С.Золжаргал Холбооны Бүгд Найрамдах Бразил Улсын Ерөнхийлөгч Луиз Инацио Лула да Силва-д 2026 оны 07 дугаар сарын 08-ны өдөр Итгэмжлэх жуух бичгээ өргөн барив.

Элчин сайд С.Золжаргал Итгэмжлэх жуух бичгээ барих үеэрээ Монгол Улсын Ерөнхийлөгч У.Хүрэлсүхийн мэндчилгээг уламжилж, хоёр улсын харилцаа, хамтын ажиллагааг боломжтой бүхий л салбарт өргөжүүлэн хөгжүүлэх, хэлхээ холбоог бэхжүүлэхийн төлөө хүчин чармайлт гаргаж ажиллахаа илэрхийлэв.

Ерөнхийлөгч Луиз Инацио Лула да Силва Элчин сайд С.Золжаргалыг үүрэгт ажилдаа орж байгаад баяр хүргээд ажлын өндөр амжилт хүсэж, хоёр улсын харилцааг өргөжүүлэн хөгжүүлэх түүний ажил үйлсэд бүх талын дэмжлэг үзүүлэхээ илэрхийлэв.