Монгол орны ихэнх нутгаар энэ сарын 23-26-ны өдрүүдэд +30-38 градус давж халахыг Цаг уур орчны шинжилгээний газраас мэдээллээ.

Тодруулбал, төвийн аймгуудын нутгаар өдөртөө +30 градусыг давж, говийн бүс нутгаар +38 градусыг давж хална. Иргэд наадамчид, аялагчид, ил задгай талбайд ажиллаж буй хүмүүс наршилтаас сэргийлэхийг сануулж байна.

Хэт халуун нь:

• Зүрх судасны өвчин
• Тархины цус харвалт
• Амьсгалын замын өвчин
• Бөөрний үйл ажиллагааны алдагдал
• Дулааны цочрол (Heat Stroke)
• Шингэн алдалтын эрсдэлийг эрс нэмэгдүүлэхээс гадна өндөр настан, бага насны хүүхэд, жирэмсэн эх, архаг хууч өвчтэй хүмүүс эрүүл мэндийн асуудал үүсгэж болзошгүй. 

Эх сурвалж: ЦУОШГ