УИХ-ын 2008 оны сонгуулиар сонгогдсон парламентийн анхдугаар чуулган завсарлав. Шинэ гишүүд УИХ-ын хэвийн үйл ажиллагааг үргэлжлүүлэх бүхий л албан тушаалтнууд хийгээд хэлэлцэх асуудлаа баталж дууссан юм. Тэд өнөөдөр УИХ-ын анхдугаар чуулганаа ийнхүү завсарлууллаа. УИХ-ын нэгдсэн чуулган ирэх сарын 1-нээс үйл ажиллагаандаа үргэлжлэн орно.

Ингээд та бүхэндээ бид УИХ-ын намрын чуулганаар хэлэлцэх асуудлын жагсаалтыг дор  хүргэж байна.

УИХ-ын даргын захирамж

Монгол Улсын Их Хурлын тухай хуулийн 15 дугаар зүйлийн 15.2 дахь хэсгийг үндэслэн УИХ-ын дарга Д. Дэмбэрэл УИХ-ын 2008 оны намрын ээлжит чуулганаар хэлэлцэх асуудлын дараалал тогтоох тухай 2008 оны есдүгээр сарын 26-ны өдөр 87 тоот захирамж гаргалаа. Уг захирамжаар УИХ-ын 2008 оны намрын ээлжит чуулганаар хэлэлцэх асуудлын дарааллыг дор дурьдсанаар тогтоожээ. Үүнд:

1.Монгол Улсын 2008 оны төсвийн тухай хуульд нэмэлт, өөрчлөлт оруулах тухай хуулийн төсөл,

2.“Засгийн газрын үйл ажиллагааны хөтөлбөр батлах тухай” Улсын Их Хурлын тогтоолын төсөл,

3.Монгол Улсыг хөгжүүлэх сангаас хөрөнгө зарцуулах тухай хуулийн төсөл, “Тогтоолын зарим заалтыг хүчингүй болгох тухай” Улсын Их Хурлын тогтоолын төсөл,

4.Нэмэгдсэн өртгийн албан татварын хувь, хэмжээ тогтоох тухай хуульд өөрчлөлт оруулах тухай хуулийн төсөл, “Тогтоолд өөрчлөлт оруулах тухай” Улсын Их Хурлын тогтоолын төсөл,

5.Нэмэгдсэн өртгийн албан татварын тухай хуульд нэмэлт, өөрчлөлт оруулах тухай хуулийн төсөл,

6.Монгол Улсын 2007 оны төсвийн гүйцэтгэл, Засгийн газрын 2007 оны санхүүгийн нэгдсэн тайлан,

7.Олон хүүхэд төрүүлж өсгөсөн эхийг урамшуулах тухай хуулийн төсөл,

8.Хоол тэжээлийн тэтгэмж олгох тухай хуулийн төсөл,

9.Агаарын төлбөрийн тухай хуулийн төсөл,

10.Хувь хүний орлогын албан татварын тухай хуульд нэмэлт оруулах тухай хуулийн төсөл,

11.“Монгол Улсын эдийн засаг, нийгмийг 2009 онд хөгжүүлэх үндсэн чиглэл батлах тухай” Улсын Их Хурлын тогтоолын төсөл,

12.“Төрөөс мөнгөний бодлогын талаар 2009 онд баримтлах үндсэн чиглэл батлах тухай” Улсын Их Хурлын тогтоолын төсөл,

13.Монгол Улсын 2009 оны төсвийн тухай хуулийн төсөл,

14.Монгол Улсыг хөгжүүлэх сангийн 2009 оны төсвийн тухай хуулийн төсөл,

15.Нийгмийн даатгалын сангийн 2009 онытөсвийн тухай хуулийн төсөл,

16.Ашигт малтмалын орлогоос иргэн бүрт хувь хүртээх асуудлаархи хууль тогтоомжийн төсөл,

17.“Улсын Их Хурлын гишүүний ёс зүйн дүрэм батлах тухай” Улсын Их Хурлын тогтоолын төсөл,

18.Зарим бараанд ногдуулах экспортын гаалийн татварын хэмжээ тогтоох тухай хуульд нэмэлт оруулах тухай хуулийн төсөл, “Тогтоолд өөрчлөлт оруулах тухай” Улсын Их Хурлын тогтоолын төсөл,

19.Байгалийн ургамал ашигласны төлбөрийн тухай хуульд нэмэлт, өөрчлөлт оруулах тухай хуулийн төсөл,

20.Мал хулгайлах гэмт хэрэгтэй тэмцэх, урьдчилан сэргийлэх тухай хуульд нэмэлт, өөрчлөлт оруулах тухай хуулийн төсөл,

21.Улсын Их Хурлын тухай хуульд нэмэлт, өөрчлөлт оруулах тухай хуулийн төсөл, Улсын Их хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төсөл,

22.Согтууруулах ундаа үйлдвэрлэх, импортлох, худалдах, түүгээр үйлчлэх тухай хуулийн төсөл /Архидан согтуурахтай тэмцэх тухай хуулийн шинэчилсэн найруулга/, Зар, сурталчилгааны тухай хуульд нэмэлт, өөрчлөлт оруулах тухай хуулийн төсөл,

23.Мэргэжлийн боловсрол, сургалтын тухай хуулийн төсөл /шинэчилсэн найруулга/,

24.Мэдээлэл авах эрх, эрх чөлөөний тухай хуулийн төсөл,

25.“Гадаад улсын дипломат төлөөлөгчийн болон консулын газар, олон улсын байгууллагын төлөөлөгчийн газарт олгосон газрыг улсын тусгай хэрэгцээнд авах тухай” Улсын Их Хурлын тогтоолын төсөл,

26.Бусад асуудал хэлэлцэхээр тогтоосон тухай УИХ-ын Хэвлэл мэдээллийн алба мэдээллээ.