#НүүдэлШийдэл нэвтрүүлгийн шинэ дугаарт Үндсэн хуулийн тухай асуудлыг хөндлөө. GoGo мэдээний агентлаг "Монгол улсын Үндсэн хуулийг шинэчлэх цаг нь болсон уу?" гэсэн санал асуулга явуулж, уншигчид дараах байдлаар саналаа өгчээ.

УИХ-ын гишүүн Д.Лүндээжанцан:

• Үндсэн хууль гэдэг нэг удаагийн эсвэл цаг зуурын баримт бичиг биш юм
• Гэхдээ нийгмийн хөгжлийг дагаад үндсэн хуулиа боловсронгуй болгох асуудал бол байх ёстой
• Үе үеийн парламент “Үндсэн хуулиасаа эхэлнэ” гэж ярьдаг
• Олон санаа уралдаж болно, гэхдээ нийгмийн бүхий л хэсгийг оруулж, судалж байж шийдвэр гаргах ёстой

Улаанбаатар бодлогын судалгааны төвийн зөвлөх М.Батчимэг:

• Бидний хувьд хамгийн үнэ цэнэтэй зүйл юу вэ, гэдгийг тодруулж буй нийгмийн зөвшилцлийн дээд хэлбэр нь Үндсэн хууль юм
• Үндсэн хуулийг үдийн цайгаараа өөрчилж болдог юм бол тухайн улс үндэстэн төдий хэмжээнд эмзэг байна л гэсэн үг
• Юуг, яагаад, яаж өөрчлөх гэж байгаа гэдгээ бид сайтар судлах ёстой
• Засаглалын хямралаас гарахын тулд бид Үндсэн хууль дээр өөрчлөлт хийх шаардлагатай

Хууль зүй, дотоод хэргийн дэд сайд Б.Энхбаяр:

• МАН-ын мөрийн хөтөлбөрт дурдсанаар ард түмнээс санал авна гэж заасан
• Юуг өөрчлөх вэ, гэдгийг ард түмнээс асууна гэсэн үг
• Эдийн засгийн хямралын гол үндэс нь Засаглалын хямралтай холбоотой байна

МУИС-ын хууль зүйн сургуулийн дэд профессор, доктор О.Мөнхсайхан:

• Юуг өөрчилж болохгүй вэ, гэдгээ эхлээд тогтоох ёстой
• Дэглэм өөрчлөх тухай одоогоор ярьж болохгүй
• Парламентын засаглал гэдэг ардчилал төдийгүй, тусгаар тогтнолын илэрхийлэл гэж үзсэн байдаг
• Ардчиллыг хадгалж буй гол зүйл нь Парламнетийн засаглал юм

МУИС-ын бодлогын судалгааны төвийн зөвлөх О.Машбат:

• Нэг нам Үндсэн хуулийг өөрчлөх боломжтой болчихлоо
• Үндсэн хууль гэдэг зүгээр нэг хууль биш учраас ард түмэн хэр хүлээн зөвшөөрөх вэ, гэдэг нь том асуудал
• Засаглалын хямрал байна уу, гэвэл байна
• Гэхдээ байх ёстой зөрчил үү, засах ёстой зөрчил үү гэдэг асуудал
• Засах ёстой зөрчил бол байна

Иргэн Б.Ламжав:

• Үндсэн хуульд өөрчлөлт оруулах нь дэндүү амархан байдлаар анх шийдсэн байна
• Тэр алдааг нь бид засах ёстой
• Парламентын засаглал өөрийгөө шавхлаа гэдэг бол том төөрөгдөл
• Эхэлж асууж байгаад, дараа нь өөрчлөлт хийнэ гэдэг бол ард түмний санал бодлыг хулгай хийх гэнэ
• Үндсэн хуульд өөрчлөлт оруулахыг УИХ-д өгсөн нь том алдаа