Манай улсаас Азийн наадамд жүдогийн төрөлд барилдаж буй эрэгтэй тамирчид хүрэл медалийн төлөө өрсөлдөх эрхтэй боллоо.

Тухайлбал, үнэмлэхүй жинд барилдаж буй Х.Мөнхбаатар Трукменистаны бөх Сахатов Удабэриг цэвэр ялснаар БНХАУ-ын бөх Ван Хао-тай хүрэл медалийн төлөө барилдах эрхтэй боллоо.

Эрэгтэйчүүдийн 60 кг-ийн жинд хэсгийн аваргын төлөө барилдсан  Д.Амартөвшин Японы бөх Хираока Хироакид цэвэр ялагдсан байна. Одоо тэрээр мөн БНХАУ-ын бөх А Ламуситай хүрэл медалийн төлөө барилдана.

Шинэчлэгдсэн мэдээ: /16.25 цаг/

Үнэмлэхүй жинд барилдсан Х.Мөнхбаатар БНХАУ-ын бөх Ван Хао-тай хүрэл медалийн төлөө барилдаж цэвэр ялж хүрэл медалийн болзол хангалаа. 

Шинэчлэгдсэн мэдээ:

Жудо бөхийн эмэгтэйчүүдийн үнэмлэхүй жинд барилдсан Д.Цэрэнханд хэсгийн аваргын төлөө БНХАУ-ын бөх Лию Хуаняантай барилдаж цэвэр ялагдсан байна. Одоо тэрээр Киргизстаны бөх Динара Кахароватай хүрэл медалийн төлөө барилдана.

Мөн эмэгтэйчүүдийн -48 кг-ийн жингийн хэсгийн аваргын төлөө барилдсан Б.Бат-Эрдэнэ Японы бөх Фукуми Томокотой барилдаж юко үнэлгээгээр ялагдсанаар Казакстаны бөх Подрядова Александратай хүрэл медалийн төлөө барилдахаар боллоо.

Шинэчлэгдсэн мэдээ: /16.35 цаг/

Жудо бөхийн эмэгтэйчүүдийн үнэмлэхүй жинд барилдсан Д.Цэрэнханд Киргизстаны бөх Динара Кахароватай барилдаж ялснаар хүрэл медалийн буухиагаа үргэлжлүүллээ.

Шинэчлэгдсэн мэдээ: /16.55 цаг/

Эмэгтэйчүүдийн -48 кг-ийн жинд барилдсан Б.Бат-Эрдэнэ Казакстаны бөх Подрядова Александраг ялснаар хүрэл медалийн эзэн боллоо.

Н.Бат-Эрдэнэ