ОХУ-ын Ерөнхийлөгч В.В.Путины айлчлалтай холбоотой цуврал нийтлэлүүдийг хүргэж байна. Та бүхэн энэхүү айлчлалтай холбоотой бүхий л мэдээллийг уншихыг хүсвэл В.В.ПУТИНЫ АЙЛЧЛАЛ цэсэнд ЭНД ДАРЖ нэвтэрнэ үү.

ЗХУ-аас манай улсад үзүүлсэн зээл, тусламж:

• 1976-1980 онд 1 тэрбум 70 сая,
• 1981-1985 онд 2 тэрбум 160 сая,
• 1986-1990 онд мөн 2 тэрбум 600 сая шилжих рубль болж нэмэгдсээр ирсэн нь манай улсын нийт зээлийн 80 гаруй хувийг эзэлж байв.

Шинэ нийгмийн бүтээн байгуулалтын цар хүрээ нэмэгдэх тутам зээлийн хэмжээ өссөөр байсан билээ. ЗХУ-аас 1921 оноос эхлэн олгосон нийт 9.99 тэрбум шилжих рублийн зээлийн 81.2 хувийг 1976-1990 онд буюу бүтээн байгуулалтын сүүлийн арван таван жилийн дотор ашиглажээ.

Монгол Улсаас ЗХУ-д үзүүлж байсан тусламж

Дайны жилүүдэд Зөвлөлтийн ард түмэн, түүний Улаан армид туслах хөдөлгөөн бүх ард түмэн, олон нийтийг хамарсан шинж чанартай үйл ажиллагаа болов. Нийтээр энэ хөдөлгөөнд оролцон хүнсний зүйл, дулаан хувцас хийж, хуримтлуулсан мөнгө хөрөнгийг бэлгийн фондод нийлүүлж байв. Ажилчин, албан хаагчид, малчид илүү цагаар буюу амралтын өдрүүдэд ажиллаж бэлгийн зүйлийг бэлтгэж байжээ. Энэ хөдөлгөөнийг манай ууган үйлдвэр Улаанбаатарын Аж үйлдвэрийн комбинатын ажилчид хошуучилж байлаа. Хөдөлмөрчдөөс хуримтлуулсан бэлгийн анхны цувааг 1941 онд явуулсан юм. Үүнд:

• 15 мянган цэргийг хувцаслах богино нэхий дээл, эсгий гутал, нэхий хантааз, цэрэг бүс зэрэг 7 сая гаруй төгрөгийн эд зүйл оржээ.

1942 оны хоёрдугаар сард Улаан армийн 24 жилийн ойгоор:

• 37 вагон ачаа бүхий хоёр дахь удаагийн бэлгийн цувааг илгээв. Түүнд мах, хиам, тос, эсгий гутал болон нэхий дээл зэрэг зүйл оржээ.
• Монголын хөрөнгөөр бүтээсэн “Хувьсгалт Монгол” танкийн бригад,
• “Монгол Ард” нисэх онгоцны эскадрилийг 1943 онд Улаан армид хүлээлгэн өгсөн байна.

Эх сурвалж: Эдийн засгийн хөгжлийн яам