Эрүүл мэндийн яамнаас мэдээлэл хийж байна.

Дэлхийн 216 улс оронд 25.2 сая хүн коронавирусийн халдвар авч 857 мянган хүн нас барж, 17 сая гаруй хүн эдгэрлээ.
Сүүлийн 24 цагт Япон улсад 264 мянган шинэ тохиолдол бүртгэгдэж, 5000 гаруй хүн энджээ.
Японд 429 шинэ тохиолдол бүртгэгдэж, 12  хүн эндсэн байна. 

Манай улсад өчигдөр 409 хүн шинээр тусгаарлалтад орж, 25 хүн тусгаарлалтаас гарч, 3813 хүн ажиглалтад байна. 

ХӨСҮТ-ийн Тандалт судалгааны албаны дарга А.Амбасэлмаа, 8-р сарын 31-нд 318 хүнд шинжилгээ хийхэд 8-р сарын 30-нд Нурсултан-УБ-ын онгоцоор ирсэн гурван хүнээс коронавирус илэрлээ. 60, 21 настай эрэгтэй, 58 настай эмэгтэй хүнд коронавирус илэрсэн.

8-р сарын 2-нд Нурсултан-УБ-ын онгоцоор ирсэн 263 хүн, Алтанбулагийн боомтоор орж ирсэн ачаа тээврийн 22 жолооч, ХӨСҮТ-д тусгаарлагдаж буй эмч, ажилтан гурван хүний шинжилгээ, тандалтын зорилгоор цуглуулсан, сувилалд тусгаарлагдаж буй 10 хүний давтан шинжилгээгээр коронавирус илрээгүй.

Монголд коронавирусийн халдвартай нь батлагдсан хүний тоо 304 боллоо. Үүнээс 97 хувь буюу 295 хүн эдгэрч, ХӨСҮТ-д есөн хүн эмчлүүлж байна. Өвчтөнүүдийн бие хөнгөн гэв.