УИХ дахь Ардчилсан намын бүлгийн гишүүн Ж.Баярмаа мэдээлэл хийлээ. Тэрбээр ашиггүй ажиллаж байгаа төрийн өмчит компаниудад татаас олгохыг эсэргүүцэж буйгаа илэрхийлсэн юм. 

И-Монголиа нэвтрээд удаж байна. Яасан цахимжиж дуусдаггүй юм бэ, үүнд зарцуулсан мөнгө төрийн орон тооны давхардлыг арилгаж байх ёстой

Тэр "Ашиггүй ажиллаж байгаа компаниудад мөнгө өгнө гээд байх юм. Улсын мөнгө гэж байхгүй. Энэ бол татвар төлөгчдийн мөнгөнөөс бүрддэг. Тэд асар өндөр үнээр буюу 55 тэрбум төгрөгөөр оффис түрээслэдэг. Төрийн өмчит компаниудын хөрөнгө 60 гаруй их наяд төгрөг. Ядаж түүнийхээ ₮3 их наядтай тэнцэх хөрөнгөө зар л даа. 

Төрийн бүтэц, орон тооны давхардлыг арилгах хэрэгтэй. И-Монголиа нэвтрээд удаж байна. Яасан цахимжиж дуусдаггүй юм бэ, үүнд зарцуулсан мөнгө төрийн орон тооны давхардлыг арилгаж байх ёстой. 2026 оны улсын төсөвт цахимтай холбоотойгоор 100 гаруй тэрбум төгрөгийг тусгажээ. Хасах, танах зардал маш их байна. Үүнд аудит хийхэд үр ашигтай эсэх нь гарч ирнэ" гэлээ.